Category: ബ്രേക്കിംഗ് ന്യൂസ്

ദേശീയ കർഷക അവാർഡ് കുര്യനാട് ഗ്രാമത്തിലേക്ക്. കേന്ദ്ര മൃഗസംരക്ഷണ വകുപ്പ് ഏർപ്പെടുത്തിയ ദേശീയ ക്ഷീര കർഷക അവാർഡ് കുര്യനാട് ഇടത്തിനാൽ രശ്മിയ്ക്ക് ലഭിച്ചു. മൂന്നു ലക്ഷം രൂപയും പ്രശസ്തി പത്രവും അടങ്ങുന്നതാണ് അവാർഡ് . മൂന്ന് വിഭാഗങ്ങളിലായി ഒമ്പതുപേർക്ക് ലഭിച്ചഅവാർഡുകളിൽ ഒരു അവാർഡ് മാത്രമാണ് കേരളത്തിന് ലഭിച്ചിട്ടുള്ളത്. ക്ഷീരകർഷകമേഖലയിൽ സംസ്ഥാനത്ത് തന്നെ ലഭിക്കുന്ന വലിയ മുന്നേറ്റം രശ്മിയിലൂടെ നടത്താനായത് നാടിന് വലിയ അഭിമാനമായി മാറിയിരിക്കുകയാണ്.

കാണക്കാരി: ഇടതുപക്ഷ ഭരണത്തിനെതിരെ പ്രതികരിക്കുവാൻ കാണക്കാരിയിലെ വോട്ടർമാർക്ക് കിട്ടിയ ആദ്യ അവസരമാണ് ഉപതെരഞ്ഞെടുപ്പ് എന്ന് പ്രതിപക്ഷ നേതാവ് വി.ഡി.സതീശൻ പറഞ്ഞു.കാണക്കാരി ഗ്രാമപഞ്ചായത്ത് ഒൻപത് കളരിപ്പടി വാർഡിലെ ഉപതെരഞ്ഞെടുപ്പ് കൺവൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കേരളത്തെ രണ്ടായി വിഭജിക്കുന്ന കെ.റെയിൽ പദ്ധതി നടപ്പിലാക്കുന്നതിലൂടെ പിണറായി വിജയന് കോടികൾ ലഭിക്കുന്നതല്ലാതെ, കേരളത്തിലെ ജനങ്ങൾക്ക് ഒരു ഗുണവും ലഭിക്കില്ല, അടുത്ത തലമുറയ്ക്ക് കോടികൾ ബാദ്ധ്യത വരുത്തുന്ന കെ.റെയിൽസിൽവർ ലൈൻ പദ്ധതി ഉപേക്ഷിക്കണമെന്നും അദ്ദേഹം പറഞ്ഞു. ഡി.സി.സി.പ്രസിഡൻറ് നാട്ടകം സുരേഷ് അദ്ധ്യക്ഷത…

കുറവിലങ്ങാട് : ജനകീയാസൂത്രണത്തിന്‍റെ ഇരുപത്തഞ്ചാം വാര്‍ഷിക ആഘോഷങ്ങളുടെ ഭാഗമായി കോട്ടയം ജില്ലയിലെ തദ്ദേശഭരണസ്ഥാപനങ്ങളിലെ ജനപ്രതിനിധികള്‍ക്കും ഉദ്യോഗസ്ഥര്‍ക്കുമായുള്ള പ്രശ്നോത്തരിയിൽ കുറവിലങ്ങാട് ഗ്രാമപഞ്ചായത്തിന് ഒന്നാം സ്ഥാനം. പഞ്ചായത്തിനെ പ്രതിനിധീകരിച്ച് പ്രസിഡന്‍റ് മിനി മത്തായി, സെക്രട്ടറി . രാജേഷ് ടി വര്‍ഗീസ് എന്നിവരാണ് പ്രശ്നോത്തരിയില്‍ പങ്കെടുത്തത്. ജില്ലാ ആസൂത്രണ സമിതിയുടെ നേതൃത്വത്തിൽ കോട്ടയം മാമൻ മാപ്പിള ഹാളിൽ സംഘടിപ്പിച്ച മത്സര പരിപാടി സഹകരണ രജിസ്‌ട്രേഷൻ വകുപ്പ് മന്ത്രി വി എൻ വാസവൻ ഉദ്ഘാടനം ചെയ്തു. മത്സരത്തിൽ വിവിധ തദ്ദേശ സ്ഥാപന ജനപ്രതിനിധികളും…

കാട്ടാമ്പാക്കിൽ പ്രവർത്തിക്കുന്ന ഖാദി ഉൽപാദന കേന്ദ്രത്തിൽ പുതിയ പദ്ധതികൾ ആവിഷ്കരിക്കുന്നതിന് വേണ്ടി അഡ്വ. മോൻസ് ജോസഫ് എം.എൽ.എയുടെ നേതൃത്വത്തിൽ കെട്ടിട സന്ദർശനം നടത്തി..ഗ്രാമപഞ്ചായത്ത് പ്രസിഡന്റ് സുഷമ്മ , വാർഡ് മെമ്പർ ബോബൻ മഞ്ഞളാമലയിൽ, ഖാദി ജില്ലാ പ്രോജക്ട് ഓഫീസർ സാജൻ ജേക്കബ്, മെമ്പർമാരായ ബീന ഷിബു, ലിസി ജീവൻ, ശ്രീകലാ ദിലീപ് തുടങ്ങിയവർ പങ്കെടുത്തു.

ഇന്ദിര പ്രിയദർശനിയെ അനുസ്മരിച്ച് കോൺഗ്രസ്. ഇന്ദിരയുടെ 104-ാം ജന്മദിന അനുസ്മരണം കടുത്തുരുത്തി ബ്ലോക് കോൺഗ്രസ്‌ കമ്മിറ്റിയുടെ നേതൃത്വത്തിൽ നടത്തി. .ബ്ലോക്ക്‌ പ്രസിഡന്റ്‌ ബേബി തൊണ്ടംകുഴി അധ്യക്ഷത വഹിച്ചു. ഡിസിസി മെമ്പർമാരായ എം കെ സാംബുജി, സി കെ ശശി ,മണ്ഡലം കോൺഗ്രസ്‌ കമ്മിറ്റി പ്രസിഡന്റ്‌ പീറ്റർ മ്യാലിപറമ്പിൽ, ബ്ലോക്ക്‌ കോൺഗ്രസ്‌ ജനറൽ സെക്രട്ടറിമാരായ ശ്രീനിവാസ് കോയിത്താനം, കെ കെ ശശാങ്കൻ എന്നിവർ പ്രസംഗിച്ചു.

കുറവിലങ്ങാട്: വ്യാപാരി വ്യാവസായി ഏകോപന സമിതി കുറവിലങ്ങാട് യൂണിറ്റിന്റെ നേതൃത്വത്തില്‍ കോട്ടയം ജില്ലയിലെ കൂട്ടിക്കല്‍, ഏന്തയാര്‍, മുണ്ടക്കയം, കാഞ്ഞിരപ്പള്ളി മേഖലയിലെ പ്രളയദുരിതം അനുഭവിക്കുന്ന വ്യാപാരികളെ സഹായിക്കുന്നത്തിനായി സാമാഹരിച്ച തുകയായ 1,00,001 രൂപ കൈമാറി.കുറവിലങ്ങാട് യൂണിറ്റ് പ്രസിഡന്റ് ടോണി പെട്ടയ്ക്കാട്ട് കോട്ടയം ജില്ലാ പ്രസിഡന്റ് എം.കെ. തോമസുകുട്ടിയെ തുക ഏല്‍പ്പിച്ചു. യൂണിറ്റ് ജനറല്‍ സെക്രട്ടറി സിജോ പാറ്റാനി, ട്രഷറര്‍ ഷാജി ചിറ്റക്കാട്ട്, വൈസ് പ്രസിഡന്റ് പോളി സെബാസ്റ്റിയന്‍, ചാണ്ടി വര്‍ക്കി, സണ്ണി ജോസഫ്, മിഥുന്‍ വര്‍ഗീസ് എന്നിവര്‍ പങ്കെടുത്തു.