![](https://kuravilangadvartha.com/wp-content/uploads/2023/02/mply.jpg)
കുറവിലങ്ങാട്: മികച്ച പഞ്ചായത്തുകള്ക്കുള്ള സ്വരാജ് ട്രോഫി പുരസ്കാരം പ്രഖ്യാപിച്ചപ്പോള് മരങ്ങാട്ടുപിള്ളയ്ക്ക് മികച്ച നേട്ടം. സംസ്ഥാനത്തെ ഏറ്റവും മികച്ച മൂന്നാമത്തെ പഞ്ചായത്തായി മരങ്ങാട്ടുപിള്ളി തെരഞ്ഞെടുക്കപ്പെട്ടു . എറണാകുളത്തെ മുളന്തുരുത്തി, കണ്ണൂരിലെ പാപ്പിനിശ്ശേരി പഞ്ചായത്തുകള് ഒന്നും രണ്ടും സ്ഥാനങ്ങള്ക്ക് അര്ഹരായി. കോട്ടയം ജില്ലാതലത്തില് തിരുവാര്പ്പ്, എലിക്കുളം പഞ്ചായത്തുകള് ഒന്നും രണ്ടും സ്ഥാനങ്ങള് നേടി. സേവന പ്രദാനത്തിലെ കാര്യക്ഷമതയ്ക്കും ഇ – ഗവേണന്സിനുമുള്ള സംസ്ഥാനത്തെ ഏറ്റവും മികച്ച പഞ്ചായത്തായി മരങ്ങാട്ടുപിള്ളി പ്രഖ്യാപിക്കപ്പെട്ടത് ഏതാനും ദിവസങ്ങള്ക്കു മുമ്പാണ്. ഇരട്ട നേട്ടത്തില് ഗ്രാമപഞ്ചായത്ത് അത്യന്തം സന്തോഷത്തിലാണ്. ജനപ്രതിനിധികളും ജീവനക്കാരും ഒരേ മനസ്സോടെ പ്രവര്ത്തിക്കുന്നതാണ് മരങ്ങാട്ടുപിള്ളിയുടെ വിജയ രഹസ്യം.
മരങ്ങാട്ടുപിള്ളി ഗ്രാമപഞ്ചായത്ത് നേട്ടങ്ങളെത്തിയവഴികള് ഇങ്ങനെ
സ്വരാജ് ട്രോഫി 2021 – 22 – ശ്രദ്ധേയമായ പ്രവര്ത്തനങ്ങള്
- പദ്ധതി വിഹിതം 100% ചെലവഴിച്ചു.
- നികുതി പിരിവ് 100%.
- ജനസൗഹാര്ദ്ദം
- ILGMS സോഫ്റ്റ്വെയര് ആദ്യഘട്ടത്തില് നടപ്പിലാക്കിയ പഞ്ചായത്ത്.
- ILGMS ന്റെ അടിസ്ഥാനത്തില് ഈ – ഗവേണന്സിന് സംസ്ഥാനത്ത് ഒന്നാം സ്ഥാനം
- ഐ. എസ്. ഒ 9001:2015 സര്ട്ടിഫിക്കേഷന്.
- യേസ് പോളിസി – അപേക്ഷകള് നിരസിക്കുന്ന സാഹചര്യങ്ങള് പരമാവധി ഒഴിവാക്കി. ജീവനക്കാരുടെ അഭാവംമൂലം പൗരന് ബുദ്ധിമുട്ടുണ്ടാകാതിരിക്കാനായി ഇതര ജീവനക്കാര് ഉത്തരവാദിത്തങ്ങള് ഏറ്റെടുക്കുക.
- വിഭവസമാഹരണത്തില് CSR ഫണ്ട് അടക്കമുള്ള നൂതന ഇടപെടലുകള്.
- കാര്ഷിക മേഖലയില് നിരവധി ദേശീയ, സംസ്ഥാന പുരസ്കാരങ്ങള്.
- പൗള്ട്രി വികസന കോപ്പറേഷന്റെ സഹകരണത്തോടെ കെപ്കോ ആശ്രയ പദ്ധതി വഴി 905 വനിതകള്ക്ക് 10 മുട്ടക്കോഴികളെ വീതം വിതരണം – പ്രാദേശിക സാമ്പത്തിക വികസനവും സ്ത്രീ ശാക്തീകരണവും.
- ക്ഷീരപഥം പദ്ധതി വഴി കാലിവളര്ത്തല്, സ്ത്രീ ശാക്തീകരണം.
- ഗ്രാമപഞ്ചായത്ത് അംഗങ്ങളുടെ നേതൃത്വത്തില് തരിശുനില കൃഷി, നെല്കൃഷി, ഫ്ലോറി കള്ച്ചര്.
- ജനകീയ പങ്കാളിത്തത്തോടെ ജല സ്രോതസ്സുകളുടെ പുനരുദ്ധാരണം.
- ലഹരിവിരുദ്ധ പ്രവര്ത്തനങ്ങളുടെ ഭാഗമായി സ്പോര്ട്ട്സ് പ്രമോഷന്.
- മൃതസഞ്ജീവനി (അവയവദാന പദ്ധതി) ക്ക് വ്യാപക പ്രചാരണം, സമ്മതപത്ര ശേഖരണം.
- ജൈവമാലിന്യ സംസ്കരണത്തിന് തുമ്പൂര്മൂഴി സംവിധാനങ്ങള്, ബയോ ഡൈജസ്റ്റര് സംവിധാനങ്ങള് – അലക്ഷ്യമായി മാലിന്യം കൈകാര്യം ചെയ്യുന്നവര്ക്കെതിരെ, നിയമ നടപടികള്.
- ഭിന്നശേഷി സൗഹൃദ പഞ്ചായത്ത്.
- വയോജന സൗഹൃദ പഞ്ചായത്ത്.
- ഒറ്റത്തവണ ഉപയോഗ (SOP) പ്ലാസ്റ്റിക്ക് നിയന്ത്രണത്തിനായി PCB ഓണ്ലൈന് പോര്ട്ടല് മുഖേനയുള്ള നടപടികള്ക്ക് ജില്ലയിലെ രണ്ടാം സ്ഥാനം.
നേട്ടത്തില് അഭിമാനിക്കുന്നു: ബെല്ജി ഇമ്മാനുവല്
![](https://kuravilangadvartha.com/wp-content/uploads/2023/02/belji-photo.png)
2021-2022 വര്ഷം സംസ്ഥാനത്തെ ഏറ്റവും മികച്ച മൂന്നാമത്തെ പഞ്ചായത്തായി തെരഞ്ഞെടുക്കപ്പെട്ടതില് ഏറെ അഭിമാനമുണ്ട്. സര്വ്വതല സ്പര്ശിയായ വികസന പ്രവര്ത്തനങ്ങള് നടപ്പാക്കാന് ഇക്കാലയളവില് സാധിച്ചു. വികസത്തോടൊപ്പം പൗരസേവനത്തിനും ഗ്രാമപഞ്ചായത്ത് പ്രാമുഖ്യം നല്കിവരുന്നു. ഇ-ഗവേണ്സിന്റെ ഭാഗമായി കഘഏങട സോഫ്റ്റ്വെയര് പ്രവര്ത്തനങ്ങളില് സംസ്ഥാനത്തെ ഏറ്റവും മികച്ച പഞ്ചായത്തായി തിരഞ്ഞെടുക്കപ്പെട്ടത് ഇരട്ടി സന്തോഷം പകരുന്നു. എല്ലാ ജീവനക്കാരുടെയും ആത്മാര്ത്ഥമായ പ്രവര്ത്തനങ്ങളും ഭരണസമിതിയുടെ ഒരുമയോടെയുള്ള പ്രവര്ത്തനങ്ങളും നേട്ടങ്ങളില് നിര്ണായകമായി.
![](https://kuravilangadvartha.com/wp-content/uploads/2023/02/sreephoto.jpg)
ആസൂത്രണം മുതല് ചിട്ടപ്പെടുത്തല് ശ്രീകുമാര് എസ്. കൈമള് സെക്രട്ടറി
ആസൂത്രണത്തിലെ സൂക്ഷ്മതയും നിര്വഹണത്തിലെ കാര്യക്ഷമതയും സമന്വയിപ്പിച്ചുകൊണ്ട് പ്രവര്ത്തനങ്ങള് ചിട്ടപ്പെടുത്തിയതിലൂടെയാണ് ഗ്രാമപഞ്ചായത്തിന് സംസ്ഥാന തലത്തില് മികച്ച നേട്ടം കൈവരിക്കാനായത്. ഇ- ഗവേര്ണന്സിലും സംസ്ഥാനതലത്തില് ഒന്നാമത് എത്താനായത് ഏറെ അഭിമാനമുളവാക്കുന്നു. ഭരണസമിതിയുടെ നേതൃത്വപാടവവും, ജീവനക്കാരുടെ ഏറ്റവും ഉദാത്തമായ പ്രതിബദ്ധതയും, ഘടക സ്ഥാപനങ്ങളുടെ കാര്യക്ഷമമായ സേവനങ്ങളും, പൗര സമൂഹത്തിന്റെ പൂര്ണ പിന്തുണയും വിജയങ്ങള്ക്ക് അടിസ്ഥാനമായി. എല്ലാ അര്ത്ഥത്തിലും ടീം വര്ക്കിന്റെ യഥാര്ത്ഥ വിജയം.