കുറവിലങ്ങാട് വനിതാ ദിനത്തിൽ 51 വനിതകൾക്ക് 51 പ്ലാവിൻ തൈകൾ

കേരള സംസ്ഥാന കാർഷിക വികസന കർഷകക്ഷേമ വകുപ്പ് നടപ്പിലാക്കുന്ന പുതിയ പരിപാടിയായ ഞങ്ങളും കൃഷിയിലേക്ക് (അവനവൻ്റെ വീട്ടിൽ വേണ്ട പഴങ്ങളും പച്ചക്കറികളും അവിടെ തന്നെ ഉണ്ടാക്കുക …) എന്ന പദ്ധതിയുടെ പ്രചരണാർത്ഥം കുറവിലങ്ങാട് കൃഷിഭവൻ ടീം വനിതാ ദിനമായ 2022 മാർച്ച് 8 ന് 51 വനിതകൾക്ക് 51 പ്ലാവിൻതൈകൾ ( വിയറ്റ്നാം യേർലി ഇനത്തിൽപ്പെട്ട ബഡ് ചെയ്ത തൈകൾ ) വിതരണം ചെയ്തു കൊണ്ട് കർഷക സമൂഹം വനിതാദിനാശംസകൾ പങ്കുവയ്ക്കുന്നു …

പദ്ധതിയുടെ ഉദ്ഘാടനം മാർച്ച് 8 ( ചൊവ്വ ) ന് രാവിലെ 10 മണിക്ക് കൃഷിഭവൻ അങ്കണത്തിൽ വച്ച് പഞ്ചായത്തംഗങ്ങളുടേയും , കാർഷിക വികസന സമിതി അംഗങ്ങളുടേയും , കുടുംബശ്രീ പ്രവർത്തകരുടേയും ,കൃഷി വകുപ്പ് ജീവനക്കാരുടേയും നിറസാന്നിധ്യത്തിൽ ബഹുമാനപ്പെട്ട പഞ്ചായത്തു പ്രസിഡൻ്റ് ശ്രീമതി മിനി മത്തായി നിർവ്വഹിക്കുന്നതാണ് .

പ്രസ്തുത പദ്ധതി പ്രകാരം പ്ലാവിൻതൈകൾ ആവശ്യമുള്ള കുറവിലങ്ങാട് ഗ്രാമപഞ്ചായത്തിലെ സ്ഥിരതാമസക്കാരായ വനിതകൾ ആധാർ കാർഡിൻ്റെ പകർപ്പുമായി നേരിട്ട് കൃഷിഭവനിലെത്തേണ്ടതാണ് .

പ്രത്യേക ശ്രദ്ധക്ക് : –
മാർച്ച് 8ന് രാവിലെ 9.30 മുതൽ ടോക്കൺ നല്കുന്നതും ഉദ്ഘാടന ചടങ്ങിന് ശേഷം വിതരണം ചെയ്യുന്നതുമാണ് .

???????????