റോഡ് മുറിച്ചുകടക്കുന്നതിനിടെ ബസിടിച്ച് മരണം.

കാണക്കാരി: ആശുപത്രിപ്പടിക്ക് സമീപം റോഡുമുറിച്ചു കടക്കുന്നതിനിടെയില്‍ കാല്‍നടയാത്രക്കാന്‍ കെഎസ്ആര്‍ടിസി ബസിടിച്ചു മരിച്ചു. പട്ടിത്താനം പാറയ്ക്കല്‍ വര്‍ഗീസാ(65)ണ് മരിച്ചത്. ഇന്നലെ ഉച്ചകഴിഞ്ഞ് ഒന്നരയോടെയായിരുന്നു അപകടം. കൂലിപ്പണിക്കാരനായ വര്‍ഗീസ് കാണക്കാരിയില്‍ ഉച്ചവരെ ജോലിചെയ്തശേഷം ടൗണിലേക്കെത്തിയതായിരുന്നു. ലോകോളേജിലേക്ക് പ്രവേശിക്കുന്ന പട്ടിത്താനം രത്‌നഗിരി റോഡിലേക്ക് പ്രവേശിക്കുന്നതിനായി കോട്ടയം എറണാകുളം റോഡ് മുറിച്ചു കടക്കുന്നതിനിടെയായിരുന്നു അപകടം സംഭവിച്ചത്. കോട്ടയം ഭാഗത്തുനിന്നും വന്ന കെഎസ്ആര്‍ടിസി ബസ് വര്‍ഗീസിന ഇടിച്ചുവീഴ്ത്തുകയായിരുന്നു. പരുക്കേറ്റ വര്‍ഗീസിനെ കോട്ടയം മെഡിക്കല്‍ കോളേജ് ആശുപത്രിയില്‍ ജീവന്‍ രക്ഷിക്കാനായില്ല. ഭാര്യ: പട്ടിത്താനം പാലയ്ക്കല്‍ കുടുംബാംഗം മറിയമ്മ. മക്കള്‍ഛ മഞ്ജു, മായ, പരേതനായ മനോജ്. മരുമക്കള്‍ : സന്തോഷ് മാന്‍വെട്ടം, ജോസ് കുറിച്ചി.

Leave a Reply

Your email address will not be published. Required fields are marked *