മോനിപ്പള്ളിയിലെ കലുങ്ക് നിര്‍മ്മാണം ശ്വാസം മുട്ടി വാഹനങ്ങള്‍

മോനിപ്പള്ളി: ജംഗ്ഷനില്‍ നടക്കുന്ന കലുങ്ക് നിര്‍മ്മാണത്തില്‍ വാഹനങ്ങളും നാട്ടുകാരും പൊറുതിമുട്ടി. എം.സി റോഡിനൊപ്പം ഇലഞ്ഞി റോഡിലും കലുങ്ക് നിര്‍മ്മാണം ആരംഭിച്ചതോടെയാണ് പ്രതിസന്ധി രൂക്ഷമായത്. എം.സി റോഡ് വികസനത്തിന്റെ പേരില്‍ പൊടിയും ചെളിയുമുയര്‍ത്തുന്ന ഭീഷണി ഒരുവര്‍ഷത്തോളമായി അനുഭവിക്കുകയാണ് നാട്ടുകാര്‍. പല വ്യാപാരസ്ഥാപനങ്ങളും മാസങ്ങളായി അടച്ചിട്ട സാഹചര്യവും നിലനില്‍ക്കുന്നുണ്ട്. നിര്‍മ്മാണ പ്രവര്‍ത്തനങ്ങള്‍ വേഗത്തില്‍ നടന്നിരുന്നുവെങ്കില്‍ മാസങ്ങള്‍ക്കുമുന്‍പേ ഈ മേഖലയില്‍ സുഗമമായ യാത്ര യാഥാര്‍ത്ഥ്യമാകുമായിരുന്നുവെന്നാണ് ചൂണ്ടിക്കാണിക്കപ്പെടുന്നത്.
മാസങ്ങളായി താറുമാറായ ഗതാഗതം ഇപ്പോള്‍ കൂനിന്മേല്‍ കുരു എന്ന അവസ്ഥയിലെത്തിയിരിക്കുകയാണ്. കെഎസ്ടിപി അധികൃതരുടേയും കരാറുകാരുടേയും അനാസ്ഥയ്‌ക്കെതിരെ പ്രതിഷേധം വ്യാപകമാണെങ്കിലും ഇതൊന്നും കണ്ടില്ലെന്ന നിലപാടിലാണ് അധികൃതര്‍. വികസനം ഇഴഞ്ഞുനീങ്ങുമ്പോളും എല്ലാ സമയബന്ധിതമായി പൂര്‍ത്തീകരിക്കുമെന്ന പതിവ് പല്ലവിമാത്രമാണ് അധികൃതര്‍ ആവര്‍ത്തിക്കുന്നത്.

Leave a Reply

Your email address will not be published. Required fields are marked *