കോഴാ കൂറ്റക്കാവില്‍ കുട്ടന്‍ നാരായണന്‍ നിര്യാതനായി

കുറവിലങ്ങാട്: നടപ്പാതയില്‍ നിന്ന് കാല്‍വഴുതി തോട്ടില്‍ വീണ് കോഴാ കൂറ്റക്കാവില്‍ കുട്ടന്‍ നാരായണ(85)ന്‍ മരിച്ചു. ഇന്നലെ വൈകുന്നേരം ടൗണിലെത്തിയശേഷം വീട്ടിലേക്ക് മടങ്ങവേയാണ് അപകടം സംഭവിച്ചത്. വിവരമറിഞ്ഞെത്തിയവര്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനിയില്ല. മൃതദേഹം കോട്ടയം മെഡിക്കല്‍ കോളജ് ആശുപത്രി മോര്‍ച്ചറിയില്‍. സംസ്‌കാരം ഇന്ന് (വ്യാഴം) മൂന്നിന് More »

മോണ്‍. ഏബ്രഹാം കൊല്ലിത്താനത്തുമലയിലിന്റെ പിതാവ് നിര്യാതനായി

വെമ്പള്ളി: പാലാ രൂപത വികാരി ജനറാള്‍ മോണ്‍. ഏബ്രഹാം കൊല്ലിത്താനത്തുമലയിലിന്റെ പിതാവ് കെ.ജെ ചാക്കോ (94) നിര്യാതനായി. സംസ്‌കാരം ചൊവ്വ രാവിലെ 10.30ന് പാലാ രൂപതാധ്യക്ഷന്‍ മാര്‍ ജോസഫ് കല്ലറങ്ങാട്ടിന്റേയും പാലാ രൂപത സഹായമെത്രാന്‍ മാര്‍ ജേക്കബ് മുരിക്കന്റേയും കാര്‍മികത്വത്തില്‍ വസതിയിലെ ശുശ്രൂഷയ്ക്ക് ശേഷം More »

കുറവിലങ്ങാട് മൂന്നുനോമ്പ് തിരുനാള്‍ ഉദ്യോഗസ്ഥതല പ്രവര്‍ത്തനങ്ങളുടെ അവലോകനം നടത്തി

കുറവിലങ്ങാട്: മൂന്നുനോമ്പ് തിരുനാളുമായി ബന്ധപ്പെട്ട് ഉദ്യോഗസ്ഥതല പ്രവര്‍ത്തനങ്ങള്‍ വിലയിരുത്തി. മോന്‍സ് ജോസഫ് എംഎല്‍എ അധ്യക്ഷത വഹിച്ച യോഗത്തില്‍ മര്‍ത്ത്മറിയം ഫൊറോന വികാരി റവ.ഡോ. ജോസഫ് തടത്തില്‍, ജോസ് കെ. മാണി എംപി, മോന്‍സ് ജോസഫ് എംഎല്‍എ, പാലാ ആര്‍ഡിഒ അനില്‍ ഉമ്മന്‍, ജില്ലാ പഞ്ചായത്ത് More »

നവീകരിച്ച പള്ളി വെഞ്ചരിപ്പും മൂന്നുനോമ്പ് തിരുനാളും ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും

കുറവിലങ്ങാട്: മര്‍ത്ത്മറിയം ഫൊറോന ഇടവകയുടെ നവീകരിച്ച ദേവാലയത്തിന്റെ വെഞ്ചരിപ്പ് നിര്‍വഹിക്കാനായി സീറോമലബാര്‍ സഭ മേജര്‍ ആര്‍ച്ച്ബിഷപ് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും. 21ന് 10.30ന് പള്ളിയുടെ വെഞ്ചരിപ്പ് നിര്‍വഹിക്കുന്ന കര്‍ദിനാള്‍ ദൃശ്യവല്‍ക്കരിച്ച അത്ഭുത ഉറവയുടെ വെഞ്ചരിപ്പും മൂന്ന് നോമ്പ് തിരുനാള്‍ കൊടിയേറ്റും നടത്തുമെന്ന് More »

 

Monthly Archives: November 2015

കുറവിലങ്ങാട് മൂന്നുനോമ്പ് തിരുനാള്‍ ഉദ്യോഗസ്ഥതല യോഗം നടത്തി, എം.സി റോഡ് പട്ടിത്താനം-കോഴാ റീച്ച് വികസനം ഡിസംബര്‍ 31ന് മുമ്പ് പൂര്‍ത്തീകരിക്കും

കുറവിലങ്ങാട്: എം.സി റോഡ് പട്ടിത്താനം-കോഴാ റീച്ച് വികസനം പൂര്‍ണ്ണമാക്കി ഡിസംബര്‍ 31ന് മുമ്പ് ഗതാഗതയോഗ്യമാക്കാന്‍ തീരുമാനിച്ചു. കുറവിലങ്ങാട് മൂന്ന് നോമ്പ് തിരുനാളിന്റെ ഉദ്യോഗസ്ഥതല ഒരുക്കങ്ങളുടെ ഭാഗമായി മോന്‍സ് ജോസഫ് എംഎല്‍എയുടെ നിര്‍ദേശത്തെ തുടര്‍ന്ന് പാലാ ആര്‍ഡിഒ സി.കെ പ്രകാശ് വിളിച്ചുചേര്‍ത്ത യോഗത്തിലാണ് തീരുമാനം. ബിഎംബിസി നിലവാരത്തില്‍ ടാറിംഗ് അടക്കമുള്ള പ്രവര്‍ത്തനങ്ങള്‍ പൂര്‍ത്തീകരിക്കുമെന്നാണ് കെഎസ്ടിപി യോഗത്തെ അറിയിച്ചത്. എം.സി റോഡ് വികസനവുമായി ബന്ധപ്പെട്ട പ്രവര്‍ത്തനങ്ങള്‍ ത്വരിതപ്പെടുത്താനും വിലയിരുത്താനുമായി അടുത്തയാഴ്ച കെഎസ്ടിപിയുടേയും കരാറുകാരുടേയും യോഗം വിളിച്ചു ചേര്‍ക്കുമെന്ന് മോന്‍സ് ജോസഫ് എംഎല്‍എ അറിയിച്ചു. തിരുനാളിന് മുന്നോടിയായി കോഴാ ബ്ലോക്ക് ജംഗ്ഷന്‍വരെ ഒന്നാംഘട്ടവികസനം നടത്തണമെന്നും എംഎല്‍എ ആവശ്യപ്പെട്ടു. വൈക്കം റോഡും ബൈപ്പാസും സന്ധിക്കുന്ന ബസ് സ്റ്റോപ്പില്‍ നടപ്പാതയും ഫുഡ്ബ്രിഡ്ജും സ്ഥാപിക്കാന്‍ 25ലക്ഷം രൂപ അനുവദിച്ചിട്ടുള്ളതായും ഈ പ്രവൃത്തി തിരുനാളിന് മുന്നോടിയായി പൂര്‍ത്തീകരിക്കാന്‍ ശ്രമം നടത്തുമെന്നും മുട്ടുങ്കല്‍-മുക്കവലക്കുന്ന് റോഡ് റീടാറിംഗിന് ഫണ്ട് ലഭ്യമാക്കിയിട്ടുള്ളതായും എംഎല്‍എ യോഗത്തില്‍ അറിയിച്ചു. ഡിസംബര്‍ ആദ്യവാരം അവലോകന യോഗം നടത്താനും തീരുമാനിച്ചു.
ഫൊറോന വികാരി റവ. ഡോ. ജോസഫ് തടത്തില്‍, സഹവികാരിമാരായ ഫാ. പോള്‍ പാറപ്ലാക്കല്‍, ഫാ. ജോര്‍ജ് എട്ടുപറ, ട്രസ്റ്റി ടി.എം ജോസഫ് എന്നിവര്‍ പ്രസംഗിച്ചു.
മീനച്ചില്‍ തഹസീല്‍ദാര്‍ ബാബു സേവ്യര്‍, ഉഴവൂര്‍ ബ്ലോക്ക് പഞ്ചായത്ത് പ്രസിഡന്റ് മോളി ലൂക്കാ, പഞ്ചായത്ത് പ്രസിഡന്റുമാരായ പി.സി കുര്യന്‍, മേരിക്കുട്ടി തോമസ്, ജില്ലാ പഞ്ചായത്തംഗം സഖറിയാസ് കുതിരവേലി, കോട്ടയം ഡിവൈഎസ്പി വി. അജിത്, കുറവിലങ്ങാട് എസ്‌ഐ കെ.ആര്‍ മോഹന്‍ദാസ്, താലൂക്ക് ആശുപത്രി സൂപ്രണ്ട് ഡോ. ടി. ആഷിഷ്, കൂടല്ലൂര്‍ ഹെല്‍ത്ത് സൂപ്പര്‍വൈസര്‍ ഏബ്രഹാം മാത്യു, ഡപ്യൂട്ടി ഡിഎംഒ വി.എന്‍ പീതാംബരന്‍, ഫയര്‍ഫോഴ്‌സ് അസി.ഓഫീസര്‍ എം.എ ജോണിച്ചന്‍, കെഎസ്ആര്‍ടിസി എടിഒമാരായ ജോര്‍ജ് ജയിംസ്, ജോസഫ്‌സണ്‍ രാജു, ടിഎസ്ഒ എ. മോഹനന്‍, പൊതുമരാമത്ത് അസി.എക്‌സിക്യൂട്ടിവ് ഓഫീസര്‍ ഡി. സാജന്‍, കെഎസ്ടിപി അസി.എക്‌സിക്യൂട്ടിവ് ഓഫീസര്‍ ടി. ദീപ, ഉഴവൂര്‍ ജോയിന്റ് ആര്‍ടിഒ ടി.വി അനില്‍കുമാര്‍, കെഎസ്ടിപി എഇ എന്‍.ഐ സൗമ്യ, കെഎസ്ഇബി എഇമാരായ എം.ടി അജിത്കുമാര്‍, ആര്‍ രോഹിണി, സീനിയര്‍ വെറ്റിനറി സര്‍ജന്‍ ഡോ. മേരി ജയിംസ്, ബ്ലോക്ക് പഞ്ചായത്ത് വൈസ് പ്രസിഡന്റ് തോമസ് ടി. കീപ്പുറം, കുറവിലങ്ങാട് പഞ്ചായത്ത് വൈസ് പ്രസിഡന്റ് മേഴ്‌സി റെജി, കടപ്ലാമറ്റം പഞ്ചായത്ത് വൈസ് പ്രസിഡന്റ് കെ.ആര്‍ ശശിധരന്‍നായര്‍, ബ്ലോക്ക് പഞ്ചായത്തംഗങ്ങളായ ആന്‍സി ജോസ്, ബിജു പാതിരമല, വ്യാപാരി വ്യവസായി ഏകോപന സമിതി യൂണിറ്റി പ്രസിഡന്റ് ടോണി പെട്ടയ്ക്കാട്ട്, വ്യാപാരി വ്യവസായി സമിതി യൂണിറ്റ് പ്രസിഡന്റ് പ്രഫ. സി.എ അഗസ്റ്റിന്‍ തുടങ്ങിയവര്‍ ചര്‍ച്ചയ്ക്ക് നേതൃത്വം നല്‍കി.
പ്രധാനതീരുമാനങ്ങള്‍:
150 അംഗ പോലീസ് സേനയുടെ സേവനം തിരുനാള്‍ ദിവസങ്ങളില്‍ ഉറപ്പാക്കും
എം.സി റോഡില്‍ ഗതാഗത നിയന്ത്രണത്തിന് താല്‍ക്കാലിക ട്രാഫിക് കോണുകള്‍ സ്ഥാപിക്കും.
ക്യാമറ നിരീക്ഷണം ശക്തമാക്കി സുരക്ഷ ഉറപ്പാക്കും
പ്രത്യേക മെഡിക്കല്‍ ടീം പള്ളിയില്‍ ക്യാംപ് ചെയ്യും.
ആംബുലന്‍സ് സൗകര്യവും താലൂക്ക് ആശുപത്രിയില്‍ മതിയായ ക്രമീകരണവും ഒരുക്കും.
കെ.ആര്‍ നാരായണന്‍ ബൈപ്പാസ് റോഡ് വൃത്തിയാക്കും.
മോട്ടോര്‍ വാഹനവകുപ്പ് വാഹനപരിശോധന കര്‍ശനമാക്കും. പാര്‍ക്കിംഗ് ഉറപ്പാക്കും.
ആരോഗ്യവകുപ്പിന്റെ നേതൃത്വത്തില്‍ ക്ലോറിനേഷന്‍ നടത്തും.
തിരുനാളിനോടനുബന്ധിച്ച് കുറവിലങ്ങാടിനെ ഉത്സവ മേഖലയായി പ്രഖ്യാപിക്കും.
പ്രധാന തിരുനാള്‍ ദിനം പ്രാദേശിക അവധി നല്‍കുന്നത് സംബന്ധിച്ച് സര്‍ക്കാരിനെ സമീപിക്കും.

കുറവിലങ്ങാട് മൂന്നുനോമ്പ് തിരുനാള്‍ സര്‍ക്കാര്‍ തലത്തിലുള്ള യോഗം 21 ന്

കുറവിലങ്ങാട്: ചരിത്രപ്രസിദ്ധമായ കുറവിലങ്ങാട് ഫൊറോന പള്ളിയിലെ മൂന്നുനോമ്പ് തിരുനാളിന് മുന്നോടിയായി സംസ്ഥാന സര്‍ക്കാര്‍ വിവിധ വകുപ്പ് അധികൃതരെ പങ്കെടുപ്പിച്ചുകൊണ്ട് എല്ലാ വര്‍ഷവും നടത്തിവരുന്ന ഉന്നതതല ആലോചനായോഗം നവംബര്‍ 21 ശനിയാഴ്ച വൈകുന്നേരം 4.30 ന് കുറവിലങ്ങാട് പള്ളി മേടയില്‍ വിളിച്ചുചേര്‍ക്കാന്‍ നിര്‍ദ്ദേശം നല്‍കിയതായി അഡ്വ. മോന്‍സ് ജോസഫ് എം.എല്‍.എ. അറിയിച്ചു.
പാലാ ആര്‍.ഡി.ഒ. സി.കെ.പ്രകാശിന്റെ നേതൃത്വത്തില്‍ എല്ലാ വകുപ്പുകളുടേയും പ്രധാന ഉദ്യോഗസ്ഥരും, ജില്ല-ബ്ലോക്ക്-ഗ്രാമപഞ്ചായത്ത് ജനപ്രതിനിധികളും യോഗത്തില്‍ പങ്കെടുക്കുന്നതാണ്. കുറവിലങ്ങാട് ഫൊറോന പള്ളി വികാരി റവ.ഡോ. ജോസഫ് തടത്തിലിന്റെ നേതൃത്വത്തില്‍ തിരുനാള്‍ കമ്മറ്റി ഭാരവാഹികള്‍ അടിയന്തിരമായി നടപ്പാക്കേണ്ട ആവശ്യങ്ങള്‍ അവതരിപ്പിക്കും. ഇക്കാര്യങ്ങള്‍ ചര്‍ച്ച ചെയ്ത് ആവശ്യമായ തീരുമാനങ്ങള്‍ കൈക്കൊള്ളുമെന്ന് മോന്‍സ് ജോസഫ് എം.എല്‍.എ. വ്യക്തമാക്കി.
നാനാജാതിമതസ്ഥരായ മുഴുവന്‍ ജനങ്ങളും പങ്കെടുത്തുകൊണ്ട് കുറവിലങ്ങാടിന്റെ മഹോത്സവമായി നടന്നുവരുന്ന മൂന്നുനോമ്പു തിരുനാള്‍ ഏറ്റവും ഭക്തിനിര്‍ഭരമായും മംഗളകരമായും നടത്തുന്നതിനുള്ള പ്രവര്‍ത്തനങ്ങള്‍ ഫലപ്രദമാക്കുന്നതോടൊപ്പം തിരുനാളില്‍ പങ്കെടുക്കുന്ന മുഴുവന്‍ ജനങ്ങള്‍ക്കും ആവശ്യമായ അടിസ്ഥാന സൗകര്യങ്ങള്‍ ഉറപ്പുവരുത്താന്‍ സത്വരനടപടികള്‍ യോഗത്തില്‍ സ്വീകരിക്കുമെന്ന് എം.എല്‍.എ. അറിയിച്ചു.

കടപ്ലാമറ്റത്തും കാണക്കാരിയിലും യുഡിഎഫ് തുടരും

കടപ്ലാമറ്റത്തും കാണക്കാരിയിലും യുഡിഎഫ് തുടരും 7-6

വെളിയന്നൂരില്‍ എല്‍ഡിഎഫ് തിരികെയെത്തി

വെളിയന്നൂരില്‍ എല്‍ഡിഎഫ് തിരികെയെത്തി 7-4-1 -1

ഉഴവൂരിലും മരങ്ങാട്ടുപിള്ളിയിലും അനിശ്ചിതത്വം

ഉഴവൂരിലും മരങ്ങാട്ടുപിള്ളിയിലും അനിശ്ചിതത്വം

കുറവിലങ്ങാട് യുഡിഎഫ് തിരിച്ചുപിടിച്ചു .

കുറവിലങ്ങാട് യുഡിഎഫ് തിരിച്ചുപിടിച്ചു . 12-2