കോഴാ കൂറ്റക്കാവില്‍ കുട്ടന്‍ നാരായണന്‍ നിര്യാതനായി

കുറവിലങ്ങാട്: നടപ്പാതയില്‍ നിന്ന് കാല്‍വഴുതി തോട്ടില്‍ വീണ് കോഴാ കൂറ്റക്കാവില്‍ കുട്ടന്‍ നാരായണ(85)ന്‍ മരിച്ചു. ഇന്നലെ വൈകുന്നേരം ടൗണിലെത്തിയശേഷം വീട്ടിലേക്ക് മടങ്ങവേയാണ് അപകടം സംഭവിച്ചത്. വിവരമറിഞ്ഞെത്തിയവര്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനിയില്ല. മൃതദേഹം കോട്ടയം മെഡിക്കല്‍ കോളജ് ആശുപത്രി മോര്‍ച്ചറിയില്‍. സംസ്‌കാരം ഇന്ന് (വ്യാഴം) മൂന്നിന് More »

മോണ്‍. ഏബ്രഹാം കൊല്ലിത്താനത്തുമലയിലിന്റെ പിതാവ് നിര്യാതനായി

വെമ്പള്ളി: പാലാ രൂപത വികാരി ജനറാള്‍ മോണ്‍. ഏബ്രഹാം കൊല്ലിത്താനത്തുമലയിലിന്റെ പിതാവ് കെ.ജെ ചാക്കോ (94) നിര്യാതനായി. സംസ്‌കാരം ചൊവ്വ രാവിലെ 10.30ന് പാലാ രൂപതാധ്യക്ഷന്‍ മാര്‍ ജോസഫ് കല്ലറങ്ങാട്ടിന്റേയും പാലാ രൂപത സഹായമെത്രാന്‍ മാര്‍ ജേക്കബ് മുരിക്കന്റേയും കാര്‍മികത്വത്തില്‍ വസതിയിലെ ശുശ്രൂഷയ്ക്ക് ശേഷം More »

കുറവിലങ്ങാട് മൂന്നുനോമ്പ് തിരുനാള്‍ ഉദ്യോഗസ്ഥതല പ്രവര്‍ത്തനങ്ങളുടെ അവലോകനം നടത്തി

കുറവിലങ്ങാട്: മൂന്നുനോമ്പ് തിരുനാളുമായി ബന്ധപ്പെട്ട് ഉദ്യോഗസ്ഥതല പ്രവര്‍ത്തനങ്ങള്‍ വിലയിരുത്തി. മോന്‍സ് ജോസഫ് എംഎല്‍എ അധ്യക്ഷത വഹിച്ച യോഗത്തില്‍ മര്‍ത്ത്മറിയം ഫൊറോന വികാരി റവ.ഡോ. ജോസഫ് തടത്തില്‍, ജോസ് കെ. മാണി എംപി, മോന്‍സ് ജോസഫ് എംഎല്‍എ, പാലാ ആര്‍ഡിഒ അനില്‍ ഉമ്മന്‍, ജില്ലാ പഞ്ചായത്ത് More »

നവീകരിച്ച പള്ളി വെഞ്ചരിപ്പും മൂന്നുനോമ്പ് തിരുനാളും ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും

കുറവിലങ്ങാട്: മര്‍ത്ത്മറിയം ഫൊറോന ഇടവകയുടെ നവീകരിച്ച ദേവാലയത്തിന്റെ വെഞ്ചരിപ്പ് നിര്‍വഹിക്കാനായി സീറോമലബാര്‍ സഭ മേജര്‍ ആര്‍ച്ച്ബിഷപ് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും. 21ന് 10.30ന് പള്ളിയുടെ വെഞ്ചരിപ്പ് നിര്‍വഹിക്കുന്ന കര്‍ദിനാള്‍ ദൃശ്യവല്‍ക്കരിച്ച അത്ഭുത ഉറവയുടെ വെഞ്ചരിപ്പും മൂന്ന് നോമ്പ് തിരുനാള്‍ കൊടിയേറ്റും നടത്തുമെന്ന് More »

 

Monthly Archives: February 2013

പെന്‍ഷനേഴ്‌സ് യൂണിയന്‍ ഉഴവൂര്‍ ബ്ലോക്ക് സമ്മേളനം

പെന്‍ഷനേഴ്‌സ് യൂണിയന്‍ ഉഴവൂര്‍ ബ്ലോക്ക് സമ്മേളനം കോഴായിലെ പെന്‍ഷന്‍ ഭവനില്‍ നടന്നു. സമ്മേളനത്തിന്റെ ഭാഗമായി തെരഞ്ഞെടുപ്പും നടന്നു.

കോഴാ സെന്റ് ജോസഫ്‌സ് കപ്പേളയില്‍ മാര്‍ യൗസേപ്പിതാവിന്റെ വണക്കമാസാചരണത്തിന് വെള്ളിയാഴ്ച തുടക്കമാവും

കോഴാ സെന്റ് ജോസഫ്‌സ് കപ്പേളയില്‍ മാര്‍ യൗസേപ്പിതാവിന്റെ വണക്കമാസാചരണത്തിന് വെള്ളിയാഴ്ച തുടക്കമാവും. വെള്ളിയാഴ്ച വൈകുന്നേരം 6.30ന് കുര്‍ബാനയും നൊവേനയും ലദീഞ്ഞും നടക്കും.

കസ്റ്റംസ് ഹയറിംഗ് സെന്ററിന്റെ നിര്‍മ്മാണ പ്രവര്‍ത്തനങ്ങള്‍ അന്തിമഘട്ടത്തിലെത്തി

കുട്ടനാട് പാക്കേജിന്റെ ഭാഗമായി കോഴായില്‍ നിര്‍മ്മാണം നടത്തുന്ന കസ്റ്റംസ് ഹയറിംഗ് സെന്ററിന്റെ നിര്‍മ്മാണ പ്രവര്‍ത്തനങ്ങള്‍ അന്തിമഘട്ടത്തിലെത്തി. കോഴായില്‍ ലക്ഷ്യമിടുന്ന സയന്‍സ് സിറ്റിക്ക് മുന്നോടിയായുള്ള കസ്റ്റംസ് ഹയറിംഗ് സെന്ററിന്റെ വരവ് വികസന രംഗത്ത് പുതിയ വാതായനം തുറക്കുകയാണ്.

ദേശീയ കബ് ബുള്‍ബുള്‍ ഉത്സവില്‍ കുറവിലങ്ങാട് സെന്റ് മേരീസ് ബോയ്‌സ് എല്‍പി സ്‌കൂളിന് മികച്ച മുന്നേറ്റം

ഹരിയാനയില്‍ നടന്ന ദേശീയ കബ് ബുള്‍ബുള്‍ ഉത്സവില്‍ കുറവിലങ്ങാട് സെന്റ് മേരീസ് ബോയ്‌സ് എല്‍പി സ്‌കൂളിന് മികച്ച മുന്നേറ്റം. കബ് ഗ്രീറ്റിംഗ്‌സിലാണ് കുറവിലങ്ങാട് സെന്റ് മേരീസ് ബോയ്‌സ് എല്‍പി സ്‌കൂളിന് രണ്ടാം സ്ഥാനം നേടാനായത്. സ്‌കൂളിലെ ആറ് വിദ്യാര്‍ത്ഥികളും കബ് മാസ്റ്ററായ കുസുമം ബേബിയുമാണ് ഹരിയാനയില്‍ കബ് ഉത്സവില്‍ പങ്കെടുത്തത്.

വി.കെ കുര്യന്‍ അവാര്‍ഡ് ജോര്‍ജ് കൊല്ലപ്പള്ളിക്ക്

കോണ്‍ഗ്രസ് നേതാവും മികച്ച സഹകാരിയും വിദ്യാഭ്യാസ പ്രവര്‍ത്തകനുമായിരുന്ന വി.കെ കുര്യന്റെ സ്മരണയ്ക്കായി ഏര്‍പ്പെടുത്തിയ അവാര്‍ഡ് കടുത്തുരുത്തി പഞ്ചായത്ത് മുന്‍ അംഗവും മുട്ടുചിറ അല്‍ഫോന്‍സാ സ്‌നേഹതീരം സെക്രട്ടറിയുമായ ജോര്‍ജ് കൊല്ലപ്പള്ളിക്ക് നല്‍കും. വി.കെ കുര്യന്‍ സ്മാരക ചാരിറ്റബിള്‍ സൊസൈറ്റിയാണ് അവാര്‍ഡ് ഏര്‍പ്പെടുത്തിയിരിക്കുന്നത്.

സഭയെ നയിക്കാനായത് മഹാഭാഗ്യം : ബെനഡിക്ട് മാര്‍പാപ്പ

കുറവിലങ്ങാട്: സഭയെ നയിക്കാന്‍ കഴിഞ്ഞത് മഹാഭാഗ്യമെന്ന് ബെനഡിക്ട് പതിനാറാമന്‍ മാര്‍പാപ്പ. തന്നെ വിശ്വസികള്‍ക്ക് നന്ദി പറഞ്ഞ പാപ്പ തന്നോടു കാണിച്ച സ്‌നേഹം സഭയില്‍ കൂടുതല്‍ പ്രാവര്‍ത്തികമാകണമെന്നും പറഞ്ഞു. സന്തോഷത്തോടൊപ്പം വിഷമങ്ങളെയും നേരിടേണ്ടിവന്നിട്ടുണ്ട്. കടല്‍ക്ഷോഭങ്ങളെയും കൊടുങ്കാറ്റുകളെയും അതിജീവിച്ചു. പ്രാര്‍ഥനയില്‍ ക്രിസ്തുവിനോട് ഐക്യപ്പെട്ട് ദൈവീകമാര്‍ഗത്തോട് ചേര്‍ന്ന്് പ്രവര്‍ത്തിച്ചു.
ദൈവിക സംരക്ഷണത്തിന് നന്ദി പറയണം. ലോകത്തോടും സഭയോടും റോമാ അതിരൂപതയോടും നന്ദിയുണ്ട്. ദൈവം ഏല്‍പ്പിച്ച ദൗത്യം ഒഴിവാക്കുകയല്ല, മറ്റൊരു രൂപത്തില്‍ സഭയില്‍ തന്റെ ശുശ്രൂഷ തുടരും. മാര്‍പാപ്പ പറഞ്ഞു.
പ്രസംഗത്തിനു ശേഷം സെന്റ് പീറ്റേഴ്‌സ് ചത്വരത്തില്‍ തടിച്ചുകൂടിയ വിവിധ ഭാഷകളിലുള്ള വിശ്വാസസമൂഹത്തിനു വേണ്ടി വിവിധ ലോകഭാഷകളിലും മാര്‍പാപ്പ തന്റെ പ്രസംഗത്തിന്റെ സുപ്രധാന ഭാഗങ്ങള്‍ വിവരിച്ചു.

ഇന്റര്‍ കോളജിയറ്റ് ഫുട്‌ബോളില്‍ തുടക്കമായി.

ഉഴവൂര്‍ സെന്റ് സ്റ്റീഫന്‍സ് കോളജില്‍ ബിഷപ് കുന്നശേരി പൗരോഹിത്യ സുവര്‍ണ ജൂബിലി സ്മാരക ഇന്റര്‍ കോളജിയറ്റ് ഫുട്‌ബോളില്‍ തുടക്കമായി. ദ്രോണാചാര്യ പ്രഫ. സണ്ണി തോമസ് ഉദ്ഘാടനം ചെയ്തു.

മഠത്തിക്കാവ് ദേവി ക്ഷേത്രത്തില്‍ നാഗങ്ങളെത്തി

ആയില്യം പൂജയ്ക്ക് വേദിയായ കുറവിലങ്ങാട് മഠത്തിക്കാവ് ദേവി ക്ഷേത്രത്തില്‍ നാഗങ്ങളെത്തി. ഉത്സവം ദിനങ്ങളിലെല്ലാം നാഗങ്ങളുടെ സജീവ സാന്നിധ്യമുണ്ടായിരുന്നു. ആയില്യപൂജ നടക്കവേ നാഗം ക്ഷേത്രത്തിനുള്ളിലെത്തുകയും ചെയ്തു.

ഡോ. കെ.എം സരീഷ്‌കുമാറിന് സ്വീകരണം നല്‍കി

കാളികാവ് എസ് എന്‍ഡിപ് ശാഖാ യോഗത്തിന്റെ നേതൃത്വത്തില്‍ മെഡിക്കല്‍ രംഗത്ത് ഉന്നത വിജയം നേടിയ ഡോ. കെ.എം സരീഷ്‌കുമാറിന് സ്വീകരണം നല്‍കി. എ.ഡി പ്രസാദ് ഉദ്ഘാടനം ചെയ്തു. എം.ഡി ശശിധരന്‍ അധ്യക്ഷത വഹിച്ചു.

മോനിപ്പള്ളി ദേവി ക്ഷേത്രത്തില്‍ കുംഭപ്പൂര ഉത്സവം നടത്തി.

കുംഭകുടഘോഷയാത്രയിലും സര്‍വ്വൈശ്വരപൂജയിലും ഭക്തരുടെ സജീവ സാന്നിധ്യം വ്യക്തമായിരുന്നു. സ്വാമി വിശുദ്ധാനന്ദ പ്രഭാഷണം നടത്തി.

ഉഴവൂര്‍ പഞ്ചായത്തില്‍ നടപ്പിലാക്കുന്ന വിവിധ പദ്ധതികള്‍ക്ക് തുടക്കമായി.

മോന്‍സ് ജോസഫ് എംഎല്‍എ, എം.എം തോമസ്, ബിജു പുന്നത്താനം, ബേബി കാനാട്ട് എന്നിവര്‍ വിവിധ പദ്ധതികള്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.എല്‍ അബ്രാഹം അധ്യക്ഷത വഹിച്ചു.