Category Archives: പ്രാദേശികം

ദേവമാതാ കോളജില്‍ മാധ്യമ ശില്പശാല നടത്തി

കുറവിലങ്ങാട്: ദേവമാതാ കോളജ് ഇംഗ്ലീഷ് ത്രിമെയിന്‍ വിഭാഗത്തിന്റെ നേതൃത്വത്തില്‍ വിദ്യാര്‍ത്ഥികള്‍ക്കായി മാധ്യമശില്പശാല നടത്തി. കോളജ് പ്രിന്‍സിപ്പല്‍ ഡോ. ഫിലിപ്പ് ജോണ്‍ ഉദ്ഘാടനം ചെയ്തു. വകുപ്പ് മേധാവി റവ.ഡോ. അഗസ്റ്റിന്‍ മാത്യു അധ്യക്ഷത വഹിച്ചു. റവ.ഡോ. ഷിന്റോ മംഗലത്ത് (ബാംഗ്‌ളൂര്‍), മലയാള മനോരമ റിട്ട. സ്‌പോര്‍ട്‌സ് എഡിറ്റര്‍ കെഎന്‍ആര്‍ നമ്പൂതിരി എന്നിവര്‍ ക്ലാസുകള്‍ക്ക് നേതൃത്വം നല്‍കി. അധ്യാപകരായ ഫാ. മാത്യു എണ്ണയ്ക്കാപിള്ളി, ബെന്നി കോച്ചേരി, ഷീന്‍ ജോര്‍ജ്, വിദ്യാര്‍ത്ഥി പ്രതിനിധി എസ്. ആതിര എന്നിവര്‍ പ്രസംഗിച്ചു.

മാലിന്യ സംസ്‌ക്കരണ പ്ലാന്റിനെതിരെ ജനകീയ സമരമെന്ന് ട്രേഡ് യൂണിയനുകള്‍

കുറവിലങ്ങാട്: ജില്ലാ കൃഷിത്തോട്ടത്തില്‍ മലിന്യ സംസ്‌ക്കരണ പ്ലാന്റ് സ്ഥാപിക്കാനുളള നീക്കത്തിനെതിരെ ജനകീയ സമരം ആരംഭിക്കുമെന്ന് ഫാം തൊഴിലാളി യൂണിയനുകള്‍. ജനപ്രതിനിധികളുടെയും തൊഴിലാളി യൂണിയന്‍ നേതാക്കളുടെയും പൊതുപ്രവര്‍ത്തകരുടെയും നേതൃത്വത്തില്‍ ജില്ലാ കൃഷിത്തോട്ടം സംരക്ഷണ സര്‍വകക്ഷി ആക്ഷന്‍ കൗണ്‍സില്‍ രൂപീകരിച്ചു. പാരിസ്ഥിതിക പ്രശ്‌നങ്ങളും കേരളത്തിന്റെ അഭിമാനമായ സയന്‍സ് സിറ്റിയുടെ പ്രവര്‍ത്തനവും മാലിന്യ സംസ്‌ക്കരണ പ്ലാന്റ് എത്തുന്നതോടെ പ്രതിസന്ധിയിലാവുമെന്ന് ആക്ഷന്‍ കൗണ്‍സില്‍ ഭാരവാഹികള്‍ പറഞ്ഞു. ആക്ഷന്‍ കൗണ്‍സില്‍ ഭാരവാഹികളായി കുറവിലങ്ങാട് ഗ്രാമപഞ്ചായത്ത് പ്രസിഡന്റ് പി.സി കുര്യന്‍, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ജോര്‍ജ് ജി. ചെന്നേലില്‍, വാര്‍ഡ് മെംബര്‍ ഷൈജു പാവുത്തിയേല്‍ , ജോജോ ആളോത്ത് (ചെയര്‍മാന്‍), സണ്ണി ചിറ്റക്കോടം (വൈസ് ചെയര്‍മാന്‍), സദാനന്ദ ശങ്കര്‍ (കണ്‍വീനര്‍), ജോജോ സെബാസ്റ്റിയന്‍ (ജോയിന്റ് കണ്‍വീനര്‍) എന്നിവരെ ചുമതലപ്പെടുത്തി.

എന്‍സിസി ദിനാചരണം

കുറവിലങ്ങാട് : എന്‍സിസി ദിനാഘോഷത്തോട് അനുബന്ധിച്ച് ദേവമാതാ കോളേജ് എന്‍സിസി യൂണിറ്റ് കുറവിലങ്ങാട് ബാലികാഭവനിലും മാഞ്ഞൂര്‍ മരിയന്‍ സൈന്യത്തിലും സന്ദര്‍ശനം നടത്തി. കോളേജ് പ്രിന്‍സിപ്പള്‍ ഡോ. ഫിലിപ്പ് ജോണിന്റെയും, എന്‍സിസി ഓഫീസര്‍ ലഫ്. സതീഷ് തോമസിന്റെയും നേതൃത്വത്തിലാണ് നൂറോളം എന്‍സിസി കേഡറ്റുകള്‍ സന്ദര്‍ശനം നടത്തിയത്. പ്രകൃതി സംരക്ഷണാര്‍ഥം കോളേജ് പരിസരത്ത് വൃക്ഷത്തൈ നടുകയും ചെയ്തു.

ഖരമാലിന്യ സംസ്‌കരണ പ്ലാന്റ് നാട് പ്രതിഷേധാഗ്നിയിലേയ്ക്ക്

കുറവിലങ്ങാട്: ജില്ലാ കൃഷിത്തോട്ടത്തില്‍ സ്ഥലം ഏറ്റെടുത്ത് ഖരമാലിന്യ സംസ്‌കരണ പ്ലാന്റ് സ്ഥാപിക്കാനുള്ള സര്‍ക്കാര്‍ നീക്കത്തില്‍ നാട്ടില്‍ ആശങ്കയും പ്രതിഷേധവും ശക്തമാകുന്നു. കൃഷിഫാമിലെ സ്ഥലം കാര്‍ഷിക ആവശ്യത്തിനല്ലാത്തെ വിട്ടുനല്‍കില്ലെന്ന മറുപടി മാസങ്ങള്‍ക്ക് മുന്‍പ് കേട്ട നാട്ടിലാണ് മാലിന്യസംസ്‌കരണ പ്ലാന്റിനായി സര്‍ക്കാര്‍ സ്ഥലം ഏറ്റെടുക്കാന്‍ ശ്രമം നടക്കുന്നത്. ഫാമിന്റെ നിയന്ത്രാണികാരികളായ ജില്ലാ പഞ്ചായത്തിന് ഇതു സംബന്ധിച്ച് രേഖകളൊന്നും ലഭിച്ചില്ലെന്ന് പറയുമ്പോളും ഈ പ്രവര്‍ത്തനങ്ങളുമായി ബന്ധപ്പെട്ട് രൂപീകരിച്ച സംസ്ഥാനതല സമിതി പലതവണ യോഗം ചേര്‍ന്ന് പ്രവര്‍ത്തനപുരോഗിതിയും തുടര്‍നടപടികളും സ്വീകരിക്കുന്നതായി രേഖകള്‍ വ്യക്തമാക്കുന്നുണ്ട്.
ദക്ഷിണേന്ത്യയിലെ ആദ്യ സയന്‍സ് സിറ്റിയുടെ ഒന്നാംഘട്ടമായ സയന്‍സ് സെന്റര്‍ പ്രവര്‍ത്തനം ആരംഭിക്കുന്നതിനുള്ള തയ്യാറെടുപ്പുകള്‍ നടക്കുന്നതിനിടയിലാണ് ഖരമാലിന്യസംസ്‌കരണ പ്ലാന്റിനുള്ള നീക്കങ്ങള്‍ സര്‍ക്കാര്‍ തലത്തില്‍ പുരോഗമിക്കുന്നത്. മാസങ്ങള്‍ക്ക് മുന്‍പ് ഡോഗ് സൂ ആരംഭിക്കാനായി ജില്ലാ കൃഷിത്തോട്ടത്തില്‍ സ്ഥലലഭ്യത അന്വേഷിച്ചതിന് പിന്നാലെയാണ് ഖരമാലിന്യ സംസ്‌കരണം ഫാമിലാരംഭിക്കാന്‍ നീക്കം നടക്കുന്നത്.
കഴിഞ്ഞ യുഡിഎഫ് സര്‍ക്കാരിന്റെ കാലത്ത് ഇതേ രീതിയില്‍ ഫാമില്‍ മാലിന്യസംസ്‌കരണ കേന്ദ്രം ആരംഭിക്കാന്‍ ശ്രമം നടത്തിയിരുന്നു. ജനകീയ പ്രതിഷേധത്തില്‍ തീരുമാനത്തില്‍ നിന്ന് സര്‍ക്കാര്‍ പിന്‍വലിയുകയായിരുന്നു. പ്രതിഷേധപരിപാടികളുടെ ഭാഗമായി മനുഷ്യചങ്ങല, പന്തം കൊളുത്തി പ്രകടനം, ഫാമിന് സംരക്ഷണവലയം, പ്രതിഷേധ സമ്മേളനങ്ങള്‍ എന്നിവ നടത്തിയിരുന്നു.
ഇക്കുറിയും സര്‍ക്കാര്‍ നിലപാട് പുറത്തായതോടെ ജനകീയ കൂട്ടായ്മകള്‍ സജീവമായി കഴിഞ്ഞിട്ടുണ്ട്. ഫാം തൊഴിലാളി യൂണിയനുകളും ജനപ്രതിനിധികളുമടക്കം പ്രതിഷേധമറിയിച്ച് രംഗത്തെത്തിയിട്ടുണ്ട്.
ഇതിനിടെ സ്ഥലം ലഭ്യമാക്കുന്നതുമായി ബന്ധപ്പെട്ട് ഫാമിലേക്ക് ബന്ധപ്പെട്ട രേഖകളെത്തിയതായും അറിയുന്നുണ്ട്. ഈ രേഖകള്‍ ജില്ലാ പഞ്ചായത്തിന് കൈമാറുന്നതോടെ മാത്രമേ തുടര്‍നടപടികളില്‍ ഫാമിന്റെ നിയന്ത്രണാധികാരികളായ ജില്ലാ പഞ്ചായത്തിന്റെ നിലപാടുകള്‍ വ്യക്തമാകൂ.
ഇപ്പോഴത്തെ സാഹചര്യങ്ങള്‍ വിലയിരുത്താന്‍ മോന്‍സ് ജോസഫ് എംഎല്‍എ തദ്ദേശസ്വയംഭരണവകുപ്പ് ഉന്നത ഉദ്യോഗസ്ഥരുമായി ബന്ധപ്പെടുന്നുണ്ട്. കേന്ദ്ര,സംസ്ഥാന സര്‍ക്കാരുകളുടെ സംയുക്തസംരഭമായ സയന്‍സ് സിറ്റി ഉള്‍ക്കൊള്ളുന്ന ജില്ലാ കൃഷിത്തോട്ടമെന്ന നിലയില്‍ ജോസ് കെ. മാണി എംപിയുടെ ഇടപെടലുകളും ശക്തമായുണ്ടാകും. തദ്ദേശസ്വയംഭരണ സ്ഥാപനങ്ങളും സജീവമായി രംഗത്തിറങ്ങാനുള്ള നീക്കങ്ങളിലാണ്.

വര്‍ഗീയ ഫാസിസത്തെ ചെറുക്കണം: സി.പി.ഐ. കടപ്ലാമറ്റം ലോക്കല്‍ സമ്മേളനം

കടപ്ലാമറ്റം: കേരളത്തില്‍ വര്‍ഗീയ ഫാസിസ്റ്റ് ശക്തികളെ വേരുറപ്പിക്കാന്‍ അനിവദിക്കരുതെന്ന് സി.പി.ഐ. കോട്ടയം ജില്ലാ അസി.സെക്രട്ടറി ആര്‍. സുശീലന്‍. കടപ്ലാമറ്റത്ത് സി.പി.ഐ. ലോക്കല്‍ സമ്മേളന പൊതു സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദേഹം. മതത്തിന്റെ പേരിലും, അക്രമത്തിന്റെ പാതയിലുമല്ലാതെ ആശയങ്ങളിലൂടെ രാഷ്ട്രീയ പ്രവര്‍ത്തനം നടത്തിയാണ് സി.പി.ഐ. ജനഹൃദയങ്ങളില്‍ ഇടം നേടിയതെന്ന് അദേഹം ഓര്‍മ്മിപ്പിച്ചു. സി.കെ. സുഭാഷ് അധ്യക്ഷത വഹിച്ച യോഗത്തില്‍ ടി.എം. സദന്‍, സണ്ണി ആനാലില്‍, ടി.പി. കുഞ്ഞാമ്പു, ഇ.കെ. ഭാസി എന്നിവര്‍ പ്രസംഗിച്ചു.
പ്രതിനിധി സമ്മേളനം സി.പി.ഐ. ജില്ലാ എക്‌സിക്യൂട്ടീവംഗം പി. സുഗതന്‍ ഉദ്ഘാടനം ചെയ്തു. ലോക്കല്‍ സെക്രട്ടറിയായി സി.കെ. സുഭാഷിനേയും 9 അംഗ ലോക്കല്‍ കമ്മറ്റിയേയും തെരഞ്ഞെടുത്തു. സമ്മേളനത്തില്‍ അഭിവാദ്യമര്‍പ്പിച്ച് എം.എസ്. സുരേഷ്, കെ.കെ. രാമഭദ്രന്‍, കെ.കെ. തങ്കപ്പന്‍ എന്നിവര്‍ പ്രസംഗിച്ചു.

ഗ്രീന്‍ പ്രോട്ടോകോള്‍ ശുചിത്വ സന്ദേശ പ്രതിജ്ഞ നടത്തി

കടപ്ലാമറ്റം : മാലിന്യ മുക്ത കേരളം പദ്ധതിയുടെ ഭാഗമായി ശുചിത്വ മിഷന്റെ നേതൃത്വത്തിð സംസ്ഥാനത്തെ മുഴുവന്‍ സ്‌ക്കൂളുകളിലും ഗ്രീന്‍ പ്രോ’ോകോള്‍ നടപ്പിലാക്കുതിന്റെ ഭാഗമായി കടപ്ലാമറ്റത്തെ മുഴുവന്‍ സ്‌ക്കൂളുകളിലും പ്രത്യേക അസം’ി ചേര്‍് ശുചിത്വ സന്ദേശ പ്രതിജ്ഞ നടത്തി. വയലാ ഈസ്റ്റ് എð.പി.എസിð ഗ്രാമപഞ്ചായത്ത് പ്രസിഡï് മേരിക്കു’ി തോമസ്സ്, ഇലയ്ക്കാട് എസ്.കെവി.യിð ഗ്രാമപഞ്ചായത്ത് വൈസ്പ്രസിഡï് കെ.ആര്‍.ശശിധരന്‍ നായര്‍ ,സെന്റ് ആന്റണീസിð വികസനകാര്യ സ്റ്റാന്റിം കമ്മിറ്റി ചെയര്‍പേഴ് പൗളിന്‍ ടോമി,മേരിമാതാ പ’ിക് സ്‌ക്കൂള്‍,സെന്റ് ജോസഫ് എð.പി.സ്‌ക്കൂള്‍ എിവിടങ്ങളിð ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ തോമസ്സ് പുളുക്കീð,വയലാ വി.എച്ച്.എസ്.,എച്ച്.എസ്.എസ്,ഹൈസ്‌ക്കൂള്‍ എിവിടങ്ങളിð പി.എം.ജോസഫ്,ഗവ.ടെക്‌നിക്കð ഹൈസ്‌ക്കൂളിð രാജു എം.പി, ഇ’ിയപ്പാറ സെന്റ്‌മേരീസിð സഖറിയാസ് ജോസഫ്, ഗവ.ഹരിജന്‍ എð.പി.എസിð എത്സമ്മ സെബാസ്റ്റ്യന്‍ എീ മെമ്പര്‍മാരും പ്രതിജ്ഞ ചൊñിക്കൊടുത്ത് ചടങ്ങുകള്‍ക്ക് നേതൃത്വം നðകി.’ോക്ക് വൈസ് പ്രസിഡï് തോമസ്സ് റ്റി,കീപ്പുറം, ശുചിത്വ മിഷന്‍ കീ റിസോഴ്‌സ്‌പേഴ്‌സണും പ്രേരകുമായ വി.എംഅശോക്കുമാര്‍ എിവര്‍പ്രസംഗിച്ചു.പ്രധാനാദ്ധ്യാപകര്‍,അദ്ധ്യാപകര്‍,പി,റ്റി.എ.അംഗങ്ങള്‍ എിവര്‍ സംബന്ധിച്ചു.

കടപ്ലാമറ്റത്തെ കരിങ്കല്‍ക്വാറികളിലെ തൊഴില്‍സ്തംഭനം പരിഹാരിക്കണമെന്ന് സിപിഎം.

വയലാ;കടപ്ലാമറ്റത്ത് തൊഴില്‍സ്തംഭനം സൃഷ്ടിച്ച കരിങ്കല്‍ക്വാറികളുടെപ്രവര്‍ത്തനം നിര്‍ത്തിവയ്പ്പിച്ചിട്ട് അഞ്ചുവര്‍ഷം പിന്നിട്ടു തൊഴില്‍നഷ്ടപ്പെട്ട നിരവധികുടുംബങ്ങള്‍ പട്ടിണിയുടെ ദുരിതക്കയത്തിലാണെന്നും പ്രശ്‌നപരിഹാരത്തിന് എല്‍ഡിഎഫ് സര്‍ക്കാര്‍ മുന്‍കൈഎടുക്കണമെന്നും സിപിഎം കടപ്ലാമറ്റം ലോക്കല്‍സമ്മേളനം പ്രമേയത്തിലൂടെ ആവശ്യപ്പെട്ടു. വയലാ എകെജി മന്ദിരത്തിലെ കെ എം ഔസേഫ് നഗറില്‍ നടന്ന പ്രതിനിധിസമ്മേളനം പാര്‍ട്ടിജില്ലാ സെക്രട്ടേറീയേറ്റ്അംഗം ലാലിച്ചന്‍ജോര്‍ജ് ഉദ്ഘാടനം ചെയ്തു.ടി ആര്‍ മണി പതാക ഉയര്‍ത്തി. ബാബൂഎബ്രാഹം,അശ്വന്‍ഷാജു,മിനിഗോപിനാഥ് എന്നിവരടങ്ങുന്ന പ്രസീഡിയെ സമ്മേളനം നിയന്ത്രിച്ചു.ജില്ലാക്കമ്മിയംഗം ആര്‍ ടി മധുസൂദനന്‍, ഏരിയാസെക്രട്ടറി വി ജി വിജയകുമാര്‍, ഏരിയാക്കമ്മിറ്റി അംഗങ്ങളായ പി എം ജോസഫ്, ഷാര്‍ളിമാത്യു,ജോയികുഴിപ്പാല,റ്റി ആര്‍ വേണുഗോപാല്‍ തുടങ്ങിയവര്‍ പ്രസംഗിച്ചു.ബേബി വര്‍ക്കി കല്ലോലില്‍ സെക്രട്ടറിയായി 13 അംഗലോക്കല്‍കമ്മിറ്റിയെ സമ്മേളനം തിരഞ്ഞെടുത്തു. വയലാ അച്ചുകുന്ന് ജംഗ്ഷനില്‍ നിന്നും ബ്രാഞ്ചുകളുടെ ബാനറില്‍ അണിനിരന്ന വര്‍ണ്ണാഭമായ റാലി വയലായെ ചെങ്കടലാക്കി നാടന്‍കലാരൂപങ്ങളും നിശ്ചലദൃശ്യങ്ങളും ഫ്‌ളോട്ടുകളും അണിനിരന്നു. വയലാ സ്‌കുള്‍ ജംഗ്ഷനില്‍ ചേര്‍ന്ന പൊതുസമ്മേളനം പാര്‍ട്ടി സംസ്ഥാന സെക്രട്ടേറീയേറ്റ് അംഗം ലാലിച്ചന്‍ജോര്‍ജ് ഉദ്ഘാടനം ചെയ്തു. ബേബിവര്‍ക്കി അധ്യക്ഷനായി. ജില്ലാ സെക്രട്ടേറിയേറ്റ് അംഗം ലാലിച്ചന്‍ജോര്‍ജ് പ്രസംഗിച്ചു. ബാബു എബ്രാഹം സ്വഗതവും വയലാ വിനിയചന്ദ്രന്‍ നന്ദിയും പറഞ്ഞു. തുടര്‍ന്ന് കൊച്ചിന്‍മണ്‍സൂര്‍ അവതരിപ്പിച്ച വയലാര്‍ ഗാനസന്ധ്യയും അരങ്ങേറി.

കാണക്കാരി പഞ്ചായത്തിന് ഐഎസ്ഒ സര്‍ട്ടിഫിക്കറ്റ്

കുറവിലങ്ങാട് : സേവനമികവിനുള്ള അംഗീകാരമായി കാണക്കാരി പഞ്ചായത്തിന് ഐഎസ്ഒ 9001-2015 സര്‍ട്ടിഫിക്കറ്റ് ലഭിച്ചതായി പഞ്ചായത്ത് പ്രസിഡന്റ് ചെറിയാന്‍ മാത്യു, വൈസ് പ്രസിഡന്റ് ജെസി മാത്യു, സെക്രട്ടറി ബെന്നി ജോര്‍ജ് എന്നിവര്‍ വാര്‍ത്താസമ്മേളനത്തില്‍ അറിയിച്ചു. 1953ല്‍ സ്ഥാപിതമായ പഞ്ചായത്തിന് 2020 ഒക്ടോബര്‍ 29 വരെ നീളുന്ന അംഗീകാരമാണ് ലഭിച്ചിട്ടുള്ളത്. പഞ്ചായത്തിലെ പൊതുജനസഹായ കേന്ദ്രം, പരാതിപ്പെട്ടി, പെതുജനങ്ങള്‍ക്കുള്ള ഇരിപ്പിട സൗകര്യം, ടിവി, കുടിവെള്ളം, വിവര സൂചികാബോര്‍ഡുകള്‍, പ്രഥമ ശുശ്രൂഷാപ്പെട്ടി, ഓഡിറ്റോറിയം, റിക്കാര്‍ഡ് മുറി എന്നിവ പരിശോധക സംഘം പ്രത്യേകം പ്രശംസിച്ചു.
സൂര്യപ്രകാശത്തില്‍ നിന്ന് വൈദ്യുതി ഉല്പാദിപ്പിച്ച് പഞ്ചായത്ത് ഓഫീസില്‍ വൈദ്യുതി വിളക്കുകള്‍ പ്രകാശിപ്പിക്കുന്നത് ഏറെ ശ്രദ്ധനേടി. 1953ല്‍ മേഖല പഞ്ചായത്ത് ഡയറക്ടറുടെ സാന്നിധ്യത്തില്‍ ചേര്‍ന്ന കമ്മിറ്റിയുടെ രേഖകള്‍ റിക്കാര്‍ഡ് മുറിയില്‍ സൂക്ഷിച്ചിരിക്കുന്നത് രേഖകളുടെ സൂക്ഷിപ്പില്‍ പുലര്‍ത്തുന്ന മാതൃകയായി പരശോധക സംഘം വ്യക്തമാക്കിയതായി സ്റ്റാന്‍ഡിംഗ് കമ്മിറ്റി അധ്യക്ഷന്മാരായ ബിനോയി ചെറിയാന്‍, സെലീമ സിബി, ജിനി ജോജി എന്നിവര്‍ പറഞ്ഞു.
കഴിഞ്ഞ സാമ്പത്തിക വര്‍ഷം പദ്ധതി തുക വിനിയോഗത്തില്‍ ജില്ലയില്‍ മൂന്നാം സ്ഥാനത്തെത്തിയ പഞ്ചായത്തിനെ ഇക്കുറി 100 ശതമാനം തുക വിനിയോഗത്തിലൂടെ ഒന്നാംസ്ഥാനത്തെത്തിക്കാനുള്ള ശ്രമങ്ങളാണ് നടക്കുന്നതെന്ന് പ്രസിഡന്റ് ചെറിയാന്‍ മാത്യുവും അംഗങ്ങളും പറഞ്ഞു.
വാര്‍ത്താസമ്മേളനത്തില്‍ ഭരണസമിതിയംഗങ്ങളും ഉദ്യോഗസ്ഥരും ഐഎസ്ഒ സര്‍ട്ടിഫിക്കറ്റ് കണ്‍സള്‍ട്ടന്‍സി പ്രതിനിധികളും പങ്കെടുത്തു.

പഞ്ചായത്ത് അഞ്ചാം വാര്‍ഡില്‍ കുടുംബശ്രീ സ്‌കൂളിന് തുടക്കമായി.

പഞ്ചായത്ത് അഞ്ചാം വാര്‍ഡില്‍
കുടുംബശ്രീ സ്‌കൂളിന് തുടക്കമായി.

കുറവിലങ്ങാട്: കുടുംബശ്രീ സംസ്ഥാന തലത്തില്‍ നടത്തുന്ന കുടുംബശ്രീ സ്‌കൂള്‍ പരിശീലന പദ്ധതിക്ക് അഞ്ചാം വാര്‍ഡില്‍ തുടക്കമായി.ഓരോ കുടുംബശ്രീ യൂണിറ്റുകള്‍ക്കും 12 മണിക്കൂര്‍ പരിശീലനപരിപാടിയുടെ ആദ്യ ഘട്ടമാണ് വാര്‍ഡില്‍ പൂര്‍ത്തിയായത്. വാര്‍ഡിലെ ഒന്‍പതു കുടുംബശ്രീ യൂണിറ്റുകളില്‍ നടന്ന സെമിനാറുകള്‍ വാര്‍ഡ് മെമ്പര്‍ ഷൈജു പാവുത്തിയേല്‍ ഉത്ഘാടനം ചെയ്തു. സാക്ഷരതാ പ്രസ്ഥാനം ,ജനകീയാസൂത്രണം തുടങ്ങിയ മാതൃകകള്‍ക്കുശേഷം കേരളം ലോകത്തിനു സമ്മാനിക്കുന്ന മികച്ച ആശയമാണ് കുടുംബശ്രീ സ്‌കൂള്‍ .സംസ്ഥാനതലത്തില്‍ ഒരുലക്ഷത്തി ഇരുപതിനായിരം വാര്‍ഡുതല അദ്ധ്യാപകര്‍ ,നാല്പത്തി മൂന്നുലക്ഷം കുടുംബശ്രീ അംഗങ്ങള്‍ ,അവരുടെ കുടുംബാംഗങ്ങള്‍ ,അങ്ങനെ ഒരു കോടി ആളുകള്‍ ഈ പരിശീലന മഹായജ്ഞത്തില്‍ പങ്കാളികളാകും.കുടുംബശ്രീയുടെ പത്തൊന്‍പതു വര്‍ഷത്തെ ചരിത്രത്തിനിടയില്‍ ആദ്യമായാണ് ഇത്തരമൊരു പരിശീലന പരിപാടി തദ്ദേശ സ്വയംഭരണ വകുപ്പ് ഒരുക്കിയിരിക്കുന്നത്.വാര്‍ഡുതല പരിശീലന പരിപാടിക്ക് പ്രേരക് യു.ഡി. മത്തായി , എ.ഡി.എസ്. അംഗങ്ങളായ രാജമ്മ ശാര്‍ങ്ഗധരന്‍ ,ജാന്‍സി ഷാജി,സജി റോയ്,ഗിരിജ ബാലകൃഷ്ണന്‍,ലിസി ബിജു എന്നിവര്‍ നേതൃത്വം കൊടുത്തു.വിവിധ പരിശീലകര്‍ ക്ലാസ് നയിച്ചു.

കെ ആര്‍ നാരായണന്‍ ഭാരതം കണ്ട ഉജ്ജ്വല പ്രതിഭാശാലിയായ വിശ്വപൗരന്‍ :സഖറിയാസ് കുതിരവേലില്‍

മുന്‍ രാഷ്ട്രപതി ഡോ കെ ആര്‍ നാരായണന്റെ 12 ആം ചരമ വാര്‍ഷിക ദിനാചരണ സമ്മേളനം ഉദ്ഘാടനം ചെയ്തു കൊണ്ട്‌സംസാരിക്കുവായിരുന്നു അദ്ദേഹം . അനുസ്മരണ സമ്മേളനം ഡോ കെ ആര്‍ നാരായണന്റെ കുടുംബ വീട്ടില്‍ പ്രവര്‍ത്തിക്കുന്ന ശാന്തിഗിരി ആയുര്‍വേദ സിദ്ധ റിസേര്‍ച് സെന്ററില്‍ ശാന്തിഗിരി ആശ്രമം കോട്ടയം ഇന്‍ചാര്‍ജ് സ്വാമി ശരണ്യ പ്രകാശ ജ്ഞാന തപസ്വി യുടെ മഹനീയ സാന്നിദ്ധ്യത്തില്‍ പഞ്ചായത്ത് പ്രസിഡന്റ് ശ്രീമതി മേഴ്‌സി ടീച്ചറിന്റെ അദ്ധ്യക്ഷതയില്‍ നടന്നു. വൈസ് പ്രസിഡന്റ് ശ്രി പി.എല്‍ എബ്രഹാം സ്വാഗതവും ഡോ.എന്‍ ജയന്‍ നന്ദിയും പറഞ്ഞു. ശ്രീമതി മോളി ലൂക്കോസ് ,ഡോ റാണി ജോസഫ് ,ഷേര്‍ലി രാജു,ഡോ സിന്ധുമോള്‍ ജേക്കബ് ഓമന ശിവശങ്കരന്‍ ,ലിലി മാത്യു,ശ്രീ വി ടി സുരേഷ് ,ടി ഓ സജീവ് , ഡോ മോഹന്‍ പാമ്പാടി തുടങ്ങിയവര്‍ പങ്കെടുത്തു . കിംസ് ഹോസ്പിറ്റല്‍ ഓണ്‍കോളജിസ്‌റ് ഡോ ചെറിയാന്‍ തമ്പി കാന്‍സര്‍ ബോധവത്ക്കരണ ക്ലാസ് നടത്തി . .രാവിലെ നടന്ന പുഷ്പാര്‍ച്ചനയില്‍ വിവിധ രാഷ്ട്രീയ സാമൂഹിക സാംസ്‌കാരിക നേതാക്കള്‍, നാട്ടുകാര്‍ ,സമീപ സ്‌കൂളുകളില്‍ നിന്നും അദ്ധ്യാപകരും കുട്ടികളും പങ്കെടുത്തു .അനുസ്മരണത്തോടനുബന്ധിച്ചു നടന്ന വിപുലമായ സൗജന്യ മെഡിക്കല്‍ ക്യാമ്പില്‍ കോട്ടയം കിംസ് ഹോസ്പിറ്റല്‍ ,ഭാരത് ഹോസ്പിറ്റല്‍ ,എം.യു എം ഹോസ്പിറ്റല്‍ ,മരിയന്‍ മെഡിക്കല്‍ സെന്റര് ,ഫാത്തിമ ഗ്രൂപ്പ് ഓഫ് ഐ ഹോസ്പിറ്റല്‍സ് , എ എന്‍ എസ് എസ് ഹോമിയോപ്പതിക് മെഡിക്കല്‍ കോളേജ് ശാന്തിഗിരി ആയുര്‍വേദ സിദ്ധ ഹോസ്പിറ്റല്‍ , ഭാരത് ഡയഗ്‌നോസ്റ്റിക്‌സ്,റാഫ ഹിയറിങ് കെയര്‍ ,എന്നിവരുടെ സേവനം ലഭ്യമായിരുന്നു .200 ഇല്‍ അധികം പേര്‍ വിവിധ വിഭാഗങ്ങളിലായി ചികിത്സയ്ക്കു എത്തി .രാവിലെ മുതല്‍ നടന്ന പുഷ്പാര്‍ച്ചനയിലും മെഡിക്കല്‍ ക്യാമ്പുകളിലും സജീവമായി പങ്കെടുത്തു സ്റ്റുഡന്റസ് പോലീസ് കേഡറ്റ് അംഗങ്ങള്‍ മാതൃകാപരമായ സേവനം കാഴ്ചവച്ചു.

കെ.ആര്‍. നാരായണന്റെ ചരമവാര്‍ഷിക ദിനത്തില്‍ കേരളനിയമസഭാ സ്പീക്കര്‍ പുഷ്പാര്‍ച്ചന നടത്തി

തിരുവന്തപുരം : മുന്‍ രാഷ്ട്രപതി ഡോഃ
കുറവിലങ്ങാട്: മുന്‍ രാഷ്ട്രപതി ഡോഃ കെ.ആര്‍. നാരായണന്റെ ചരമവാര്‍ഷിക ദിനത്തില്‍ കേരള നിയമസഭാ സ്പീക്കര്‍ പി. ശ്രീരാമകൃഷ്ണന്‍ തിരുവനന്തപുരത്ത് നിയമസഭാമന്ദിരത്തിലെ കെ.ആര്‍. നാരായണന്‍ പ്രതിമയില്‍ പുഷ്പാര്‍ച്ചന നടത്തി.
പ്രതിപക്ഷ നേതാവ് രമേശ് ചെന്നിത്തല, കടുത്തുരുത്തി എം.എല്‍.എ. അഡ്വ. മോന്‍സ് ജോസഫ്, നിയമസഭാ സെക്രട്ടറി വി.കെ.ബാബു പ്രകാശ് എന്നിവരും സ്പീക്കറോടൊപ്പം പുഷ്പാര്‍ച്ചനയില്‍ പങ്കെടുത്തു.
നിയമസഭാ വാച്ച് ആന്‍ഡ് വാര്‍ഡ് അംഗങ്ങള്‍ നല്‍കിയ ഗാര്‍ഡ് ഓഫ് ഓണര്‍ സ്വീകരിച്ച ശേഷമാണ് നിയമസഭാ സ്പീക്കര്‍ പുഷ്പാര്‍ച്ചനയില്‍ പങ്കുചേര്‍ന്നത്.