Category Archives: പ്രധാനവാര്‍ത്തകള്‍

കുറവിലങ്ങാട് മൂന്നുനോമ്പ് തിരുനാള്‍ ഉദ്യോഗസ്ഥതല പ്രവര്‍ത്തനങ്ങളുടെ അവലോകനം നടത്തി

കുറവിലങ്ങാട്: മൂന്നുനോമ്പ് തിരുനാളുമായി ബന്ധപ്പെട്ട് ഉദ്യോഗസ്ഥതല പ്രവര്‍ത്തനങ്ങള്‍ വിലയിരുത്തി. മോന്‍സ് ജോസഫ് എംഎല്‍എ അധ്യക്ഷത വഹിച്ച യോഗത്തില്‍ മര്‍ത്ത്മറിയം ഫൊറോന വികാരി റവ.ഡോ. ജോസഫ് തടത്തില്‍, ജോസ് കെ. മാണി എംപി, മോന്‍സ് ജോസഫ് എംഎല്‍എ, പാലാ ആര്‍ഡിഒ അനില്‍ ഉമ്മന്‍, ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി, ബ്‌ളോക്ക് പഞ്ചായത്ത് പ്രസിഡന്റ് ലില്ലി മാത്യു, പഞ്ചായത്ത് പ്രസിഡന്റുമാരായ പി.സി കുര്യന്‍, ചെറിയാന്‍ മാത്യു, വിവിധ ഉദ്യോഗസ്ഥര്‍ എന്നിവര്‍ നേതൃത്വം നല്‍കി.
പ്രധാന തീരുമാനങ്ങള്‍
ടൗണിലെ ബസ് സ്റ്റാന്‍ഡുകള്‍ ബഹിഷ്‌കരിക്കുന്ന ബസുകള്‍ക്കെതിരെ കര്‍ശന നടപടിയെടുക്കും.
പള്ളിക്കവലയിലും പള്ളിറോഡിലും പോലീസിന്റെ സാന്നിധ്യം ഉറപ്പാക്കും. ഇത് സംബന്ധിച്ച് ജില്ലാ പോലീസ് മേധാവിയുമായി ചര്‍ച്ചചെയ്യുമെന്ന് എംഎല്‍എ
മാസാദ്യവെള്ളിയാഴ്ചകളിലും ഞായറാഴ്ചകളിലും പള്ളി റോഡില്‍ പോലീസിന്റെ സാന്നിധ്യം ഉറപ്പാക്കും
കുറവിലങ്ങാട് പള്ളിയെന്ന ദിശാബോര്‍ഡ് തിരുനാളിന് മുന്‍പായി കെഎസ്ടിപി സ്ഥാപിക്കും.
വൈക്കം-പാലാ റൂട്ടില്‍ സര്‍വീസ് നടത്തുന്ന മുഴുവന്‍ ബസുകളും പള്ളിക്കവലയിലെത്തി സര്‍വീസ് നടത്തുന്നവെന്ന് അധികൃതര്‍ ഉറപ്പാക്കും. ഇതിനായി മതിയായ പരിശോധനകള്‍ നടത്തും.
പള്ളിത്താഴം-മുണ്ടന്‍വരമ്പ് റോഡടക്കം പൊതുമരാമത്ത് വകുപ്പിന്റെ വിവിധ റോഡുകള്‍ യാത്രായോഗ്യമാക്കും.
സെന്‍ട്രല്‍ ജംഗ്ഷനിലുള്ള ട്രാന്‍സ്‌ഫോമര്‍ മാറ്റിസ്ഥാപിക്കുന്നതിനുള്ള സാധ്യത പരിശോധിക്കും.

പബ്ലിക്ക് അഫയേഴ്‌സ് കമ്മിറ്റി ചെയര്‍മാന്‍ ജോജോ ആളോത്ത് യോഗത്തില്‍ നന്ദിയറിയിച്ചു.

നവീകരിച്ച പള്ളി വെഞ്ചരിപ്പും മൂന്നുനോമ്പ് തിരുനാളും ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും

കുറവിലങ്ങാട്: മര്‍ത്ത്മറിയം ഫൊറോന ഇടവകയുടെ നവീകരിച്ച ദേവാലയത്തിന്റെ വെഞ്ചരിപ്പ് നിര്‍വഹിക്കാനായി സീറോമലബാര്‍ സഭ മേജര്‍ ആര്‍ച്ച്ബിഷപ് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി കുറവിലങ്ങാട്ടെത്തും. 21ന് 10.30ന് പള്ളിയുടെ വെഞ്ചരിപ്പ് നിര്‍വഹിക്കുന്ന കര്‍ദിനാള്‍ ദൃശ്യവല്‍ക്കരിച്ച അത്ഭുത ഉറവയുടെ വെഞ്ചരിപ്പും മൂന്ന് നോമ്പ് തിരുനാള്‍ കൊടിയേറ്റും നടത്തുമെന്ന് ഫൊറോന വികാരി റവ.ഡോ. ജോസഫ് തടത്തില്‍ അറിയിച്ചു.
പാലാ ബിഷപ് മാര്‍ ജോസഫ് കല്ലറങ്ങാട്ട്, ഗ്രേറ്റ് ബ്രിട്ടണ്‍ ബിഷപ് മാര്‍ ജോസഫ് സ്രാമ്പിക്കല്‍, പാലാ മുന്‍ ബിഷപ് മാര്‍ ജോസഫ് പള്ളിക്കാപറമ്പില്‍, പാലാ രൂപത വികാരി ജനറാള്‍മാരായ മോണ്‍. ഏബ്രഹാം കൊല്ലിത്താനത്തുമലയില്‍, മോണ്‍. ജോസഫ് കൊല്ലംപറമ്പില്‍, മോണ്‍. ജോസഫ് മലേപറമ്പില്‍, കുറവിലങ്ങാട് ഇടവകയിലെ മുന്‍ വികാരിമാരുടെ പ്രതിനിധി ഫാ. ജോര്‍ജ് മുളങ്ങാട്ടില്‍, ഇടവകയില്‍ നിന്നുള്ള വൈദികരുടെ പ്രതിനിധി ഫാ. ജോസ് കോട്ടയില്‍ എന്നിവര്‍ സഹകാര്‍മികരാകും.

എം.എം ഹസന്‍ കോഴായിലെത്തുന്നു മാലിന്യ നിക്ഷേപത്തിനെതിരെ കോണ്‍ഗ്രസ് പ്രക്ഷോഭം

കുറവിലങ്ങാട് : കോഴായില്‍ ജില്ലാ കൃഷിതോട്ടത്തില്‍ മാലിന്യം നിക്ഷേപിക്കുന്നതിന് 10 ഏക്കര്‍ സ്ഥലം അനുവദിച്ച സംസ്ഥാന സര്‍ക്കാര്‍ നടപടിക്കെതിരെ ശക്തമായ സമരപരിപാടികള്‍ ആരംഭിക്കാന്‍ കോണ്‍ഗ്രസ് ഒരുക്കങ്ങള്‍ ആരംഭിച്ചിരിക്കുകയാണ്. കഴിഞ്ഞ ഡഉഎ സര്‍ക്കാരിന്റെ കാലത്ത് ഉദ്യോഗസ്ഥതലത്തില്‍ ജില്ലയിലെ മുഴുവന്‍ മാലിന്യങ്ങളും കോഴായില്‍ എത്തിക്കുവാന്‍ നീക്കം ആരംഭിച്ചിരുന്നതാണ്. അന്ന് മുഖ്യമന്ത്രി ശ്രീ. ഉമ്മന്‍ ചാണ്ടി എടുത്ത ശക്തമായ നിലപാടുകൊണ്ടാണ് ആ നീക്കം ഉപേക്ഷിച്ചത്. ജില്ലയിലെ വിവധഭാഗങ്ങളില്‍ നിന്നുള്ള മാലിന്യങ്ങള്‍ കോഴായില്‍ എത്തിക്കുന്നത് മൂലം ഗുരുതരമായ പാരിസ്ഥിതിക പ്രശ്‌നങ്ങള്‍ ഉണ്ടാകും. കുറവിലങ്ങാട് പോലെ താരതമ്യേനെ ജനസാന്ദ്രത കൂടിയ മേഖലയില്‍ ഇത്തരത്തിലുള്ള ഒരു നീക്കം സര്‍ക്കാര്‍ നടത്തുന്നത് പ്രതിക്ഷേധാര്‍ഹമാണ്. പുതുവല്‍ത്സരത്തില്‍ സര്‍ക്കാര്‍ നല്‍കുന്ന ഈ സമ്മാനത്തിനെതിരേ കോണ്‍ഗ്രസ് ശക്തമായ സമരപരിപാടികള്‍ ആരംഭിച്ചിരിക്കുകയാണ്. കോഴായില്‍ നടക്കുന്ന പ്രതിക്ഷേധ ധര്‍ണ ഗജഇഇ പ്രസിഡന്റ് ശ്രീ. എം.എം ഹസന്‍നെകൊണ്ട് ഉദ്ഘാടനം ചെയ്യിക്കുവാനും ഉഇഇ പ്രസിഡന്റ് ശ്രീ. ജോഷി ഫിലിപ്പ്, ഗജഇഇ സെക്രട്ടറി അഡ്വ. പി.എ. സലിം, ഗജഇഇ നിര്‍വ്വഹസമിതി പ്രസിഡന്റ് അഡ്വ. റ്റി. ജോസഫിനെയും പങ്കെടുപ്പിച്ചുകൊണ്ട് സമരം നടത്തുവാന്‍ തിരൂമാനിച്ചതായി മണ്ഡലം കോണ്‍ഗ്രസ് കമ്മറ്റി പ്രസിഡന്റ് ജോസഫ് സെബാസ്റ്റ്യന്‍ അറിയിച്ചു.

കൊല്ലം ആവിഷ്‌കാരയുടെ കണക്ക് മാഷിന് മൂന്ന് അവാര്‍ഡുകള്‍ ലഭിച്ചു

കുറവിലങ്ങാട്: ആര്‍ട്‌സ് ഫൗണ്ടേഷന്‍ നടത്തിയ അഖില കേരളാ പ്രൊഫഷണല്‍ നാടക മല്‍സരത്തില്‍ മികച്ച നാടകമായി കൊല്ലം ആവിഷ്‌കാരയുടെ കണക്കുമാഷും രണ്ടാമത്തെ നാടകമായി കോഴിക്കോട് സങ്കീര്‍ത്തനയുടെ ലക്ഷമി അഥവാ അരങ്ങിലെ അനാര്‍ക്കലിയും തെരഞ്ഞെടുത്തു. മികച്ച നടനുളള അവാര്‍ഡ് കൊച്ചിന്‍ സംഘവേദിയുടെ വാക്കുപൂക്കുംകാലത്തിലെ കെ.പി.എ.സി രാജഗോപാലും മികച്ച നടിയ്ക്ക് കോഴിക്കോട് സങ്കീര്‍ത്തനയുടെ ലക്ഷമി അഥവാ അരങ്ങിലെ അനാര്‍ക്കലിയിലെ മീനാക്ഷിയും മികച്ച ഹാസ്യനടനുളള അവാര്‍ഡ് കണക്ക് മാഷിലെ ചൂള സലിം, മികച്ച സംവിധായകന്‍ കണക്ക് മാഷിലെ രാജീവന്‍ മമ്മളിക്കും, രംഗപടം വിവിധ നാടങ്ങളിലെ അവരണത്തിന് ആര്‍ട്ടിസ്റ്റ് സുജതനും, നാടക രചന അനാര്‍ക്കലിയിലെ ഹേമന്ദ് കുമാറിനും, ഗാനരചന അനാര്‍ക്കലിയിലെ ഗാനങ്ങള്‍ക്ക് രമേഷ് കാവിലിനും, സംഗീതസംവിധാനം വാക്കു പൂക്കും കാലത്തിലെ ആലപ്പി വിവേകാനന്ദനും, മികച്ച രംഗസജ്ജീകരണം വാക്കു പൂക്കും കാലത്തിലെ മോഹനന്‍, രവി എന്നിവര്‍ക്ക് ലഭിച്ചു. സ്‌പെഷ്യല്‍ ജൂറി അവാര്‍ഡ് ഓച്ചിറ സരിഗയുടെ രാമേട്ടനും, കായംകുളം ദേവാ കമ്മ്യൂണിക്കേഷന്‍സിന്റെ ചാറ്റല്‍മഴയ്ക്കുമാണ്.
ആര്‍ട്‌സ് ഫൗണ്ടേഷന്റെ വാര്‍ഷികത്തോടനുബന്ധിച്ചുളള നാടകമേള സമാപിച്ചു. അവാര്‍ഡ് ദാന സമ്മേളനം ജോസ് കെ. മാണി എം.പി ഉദ്ഘാടനം ചെയ്തു. ആര്‍ട്‌സ് ഫൗണ്ടേഷന്‍ ചെയര്‍മാന്‍ ജോസഫ് പുതിയിടം അധ്യക്ഷത വഹിച്ചു. അവാര്‍ഡുകള്‍ മര്‍ത്ത മറിയം ഫൊറോനാ പളളി വികാരി ഡോ.ഫാ. ജോസഫ് തടത്തില്‍ വിതരണം ചെയ്തു. ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി, ഉഴവൂര്‍ ബ്ലോക്ക് പഞ്ചായത്ത് മുന്‍പ്രസിഡന്റ് മോളി ലൂക്കാ, മലയാള മനോരമ ഡെപ്യൂട്ടി മാനേജര്‍ സിറിയക്ക് എം. പാറ്റാനി, ജനറല്‍ കണ്‍വീനര്‍ സിബി മാണി, സദാനന്ദ ശങ്കര്‍, തോമസ് കണ്ണന്തറ, ജോസഫ് സെബാസ്റ്റിയന്‍, എന്‍.എം മോഹനന്‍, എസ്.ആര്‍ ഷിജോ, രാജേഷ് കുര്യനാട്, കെ.പി വിജയന്‍, ജോജോ ആളോത്ത് എന്നിവര്‍ പ്രസംഗിച്ചു. തുടര്‍ന്ന് ചലച്ചിത്ര പിന്നണി ഗായകന്‍ ജയചന്ദ്രന്‍ കടമ്പനാടിന്റെ ദി റിഥം ഓഫ് കേരള ഫോക് മ്യൂസിക്.

ഖരമാലിന്യ സംസ്‌കരണ പ്ലാന്റിനെതിരെ മോന്‍സ് ജോസഫ് മന്ത്രിമാര്‍ക്ക് നിവേദനം നല്‍കി

കുറവിലങ്ങാട്: കോഴായിലുള്ള ജില്ലാ കൃഷി തോട്ടത്തിലെ സര്‍ക്കാര്‍ ഭൂമിയില്‍ നിന്നും പത്തേക്കര്‍ സ്ഥലം ഖരമാലിന്യ സംസ്‌കരണ പ്ലാന്റ് സ്ഥാപിക്കുന്നതിനുവേണ്ടി ഏറ്റെടുക്കാനുള്ള തദ്ദേശ സ്വയംഭരണ വകുപ്പിന്റെ സെക്രട്ടറി തലത്തിലുള്ള വകുപ്പുതല നടപടി സര്‍ക്കാര്‍ ഉപേക്ഷിക്കണമെന്ന് ആവശ്യപ്പെട്ടുകൊണ്ട് അഡ്വ. മോന്‍സ് ജോസഫ് എം.എല്‍.എ. തദ്ദേശ സ്വയംഭരണ വകുപ്പ് മന്ത്രി കെ.റ്റി. ജലീല്‍, കൃഷിവകുപ്പ് മന്ത്രി വി.എസ്. സുനില്‍കുമാര്‍ എന്നിവര്‍ക്ക് നിവേദനം സമര്‍പ്പിച്ചു.
കുറവിലങ്ങാട് – കോഴാ പ്രദേശത്ത് ജനങ്ങള്‍ക്ക് ഉപദ്രവമാകുന്ന ഖരമാലിന്യ സംസ്‌കരണ പ്ലാന്റ് സ്ഥാപിക്കാനുള്ള നീക്കത്തില്‍ നിന്ന് സര്‍ക്കാര്‍ പിന്‍തിരിയണമെന്ന് എം.എല്‍.എ. അഭ്യര്‍ത്ഥിച്ചു. ഇക്കാര്യത്തില്‍ എതിര്‍പ്പ് പ്രകടിപ്പിച്ചുകൊണ്ട് ജനപ്രതിനിധികളും ട്രേഡ് യൂണിയനുകളും നാട്ടുകാരും ഒപ്പുവച്ച നിവേദനവും എം.എല്‍.എ. മന്ത്രിമാര്‍ക്ക് കൈമാറി. യാതൊരുവിധ തുടര്‍നടപടികളും സര്‍ക്കാര്‍ തലത്തില്‍ ഇപ്പോള്‍ സ്വീകരിക്കില്ലെന്ന് മന്ത്രിമാര്‍ വ്യക്തമാക്കിയതായി എം.എല്‍.എ. അറിയിച്ചു.
ഫലപൂയിഷ്ടമായ കൃഷിയിടങ്ങള്‍കൊണ്ട് സമ്പന്നമായ കുറവിലങ്ങാട്, ഞീഴൂര്‍, മരങ്ങാട്ടുപള്ളി എന്നീ ഗ്രാമപഞ്ചായത്തുകളുടെ കാര്‍ഷികാഭിവൃദ്ധിയെ പൂര്‍ണ്ണമായും തകര്‍ക്കുന്ന നടപടിയാണ് ഈ തീരുമാനം നടപ്പായാല്‍ സംഭവിക്കാന്‍ പോകുന്നതെന്ന് എം.എല്‍.എ. ചൂണ്ടിക്കാട്ടി. കൃഷി വകുപ്പിന്റെ കീഴില്‍ ഏറ്റവും മെച്ചപ്പെട്ട നിലവാരത്തില്‍ പ്രവര്‍ത്തിക്കുന്ന സ്റ്റേറ്റ് സ്വീഡ് ഫാം, ജില്ലാ കൃഷിത്തോട്ടം, കൃഷിവകുപ്പിന്റെ കീഴിലുള്ള വിവിധ പദ്ധതികള്‍ എന്നിവയെല്ലാം വിജയകരമായി ഇപ്പോള്‍ നടത്തിവരുന്ന പ്രവര്‍ത്തനങ്ങളെ തകര്‍ക്കാന്‍ ഇടയാക്കുന്നതാണ് തദ്ദേശ സ്വയംഭരണ വകുപ്പിന്റെ യാതൊരു കാഴ്ചപ്പാടും ഇല്ലാത്ത തീരുമാനമെന്ന് വ്യക്തമാണ്. ദക്ഷിണേന്ത്യയിലെ ഏറ്റവും ശ്രദ്ധേയമായതും കേരളത്തിലെ ആദ്യത്തേതുമായ ഏറ്റവും പ്രധാനപ്പെട്ട വിജ്ഞാനകേന്ദ്രം – കേരളാ സയന്‍സ് സിറ്റി യാഥാര്‍ത്ഥ്യമാകുന്ന കുറവിലങ്ങാട് – കോഴാ പ്രദേശത്തിന് സമീപത്ത് ഖരമാലിന്യ സംസ്‌കരണ പ്ലാന്റ് സ്ഥാപിക്കാന്‍ ഇടവന്നാല്‍ നാടിന്റെ വികസനരംഗത്തും കാര്‍ഷിക പുരോഗതിക്കും വന്‍ തിരിച്ചടിയാകുമെന്ന് മോന്‍സ് ജോസഫ് എം.എല്‍.എ. ചൂണ്ടിക്കാട്ടി.
ജനസാന്ദ്രതയേറിയതും, കാര്‍ഷിക വികസന സാധ്യതയുളളതുമായ പ്രദേശങ്ങളെ ഇത്തരം കാര്യങ്ങളില്‍ നിന്നും ഒഴിവാക്കാനുള്ള ഭരണപരമായ നടപടി സര്‍ക്കാര്‍ തലത്തില്‍ സ്വീകരിക്കേണ്ടതാണ്. കുറവിലങ്ങാട് – കോഴാ പ്രദേശത്തിന് ഒരു തരത്തിലും സ്വീകാര്യമല്ലാത്ത തദ്ദേശ സ്വയംഭരണ വകുപ്പിന്റെ നീക്കം അവസാനിപ്പിക്കാന്‍ ആവശ്യമായ ഇടപെടല്‍ അടിയന്തിരമായി നടത്തണമെന്ന് മന്ത്രി കെ.റ്റി. ജലീലിന് സമര്‍പ്പിച്ച നിവേദനത്തില്‍ അഭ്യര്‍ത്ഥിച്ചു. കൃഷി വകുപ്പിന്റെ ഒരിഞ്ചു ഭൂമിപോലും യാതൊരു ആവശ്യത്തിനുവേണ്ടിയും ഇനിയും വിട്ടുകൊടുക്കില്ലെന്ന് നടത്തിയിട്ടുള്ള പ്രഖ്യാപനം നടപ്പാക്കാനാവശ്യമായ നടപടി സ്വീകരിക്കണമെന്ന് മന്ത്രി വി.എസ്. സുനില്‍കുമാറിന് നല്‍കിയ നിവേദനത്തില്‍ എം.എല്‍.എ. അഭ്യര്‍ത്ഥിച്ചു. പ്രാദേശിക ജനപ്രതിനിധികള്‍, ട്രേഡ് യൂണിയന്‍ ഭാരവാഹികള്‍, വിവിധ കക്ഷിനേതാക്കള്‍ എന്നിവരുള്‍പ്പെടെ ബന്ധപ്പെട്ട എല്ലാവരുമായി ഇക്കാര്യങ്ങള്‍ സംബന്ധിച്ച് കൂടിയാലോചന നടത്താന്‍ സര്‍ക്കാര്‍ തയ്യാറാണെന്ന് മന്ത്രിമാര്‍ അറിയിച്ചതായി എം.എല്‍.എ. വ്യക്തമാക്കി.
കുറവിലങ്ങാട് – കോഴാ പ്രദേശത്ത് മുഴുവന്‍ ജനങ്ങളെയും പ്രതികൂലമായി ബാധിക്കുന്ന ഖരമാലിന്യ സംസ്‌കരണ പ്ലാന്റ് സ്ഥാപിക്കാന്‍ ഒരു കാരണവശാലും അനുവദിക്കില്ലെന്ന് മോന്‍സ് ജോസഫ് എം.എല്‍.എ. വ്യക്തമാക്കി.
ഉദ്യോഗസ്ഥ തലത്തില്‍ ഇതിനുമുമ്പ് കൈക്കൊണ്ട തീരുമാനത്തിന്റെ ഫലമായി മറ്റൊരു മാലിന്യ പ്ലാന്റ് കോഴായില്‍ സ്ഥാപിക്കാന്‍ നടത്തിയ നീക്കത്തെ സര്‍ക്കാര്‍ തലത്തില്‍ ഒറ്റക്കെട്ടായി നടത്തിയ നീക്കത്തിലൂടെയാണ് ഒഴിവാക്കാന്‍ കഴിഞ്ഞത്. മറ്റൊരു രൂപത്തില്‍ വീണ്ടും ഇതേ പ്രശ്‌നത്തിന് തദ്ദേശ സ്വയംഭരണ വകുപ്പ് വീണ്ടും ഇടവരുത്തിയിരിക്കുന്നത് പ്രതിഷേധാര്‍ഹമാണ്.
ജനദ്രോഹപരമായ ഈ നടപടി സര്‍ക്കാര്‍ തലത്തില്‍ പിന്‍വലിപ്പിക്കുന്നതിന് അതിശക്തമായ നിലപാട് സ്വീകരിക്കുമെന്ന് മോന്‍സ് ജോസഫ് എം.എല്‍.എ. വ്യക്തമാക്കി.

ദേവമാതാ കോളജ് പൂര്‍വവിദ്യാര്‍ത്ഥി രത്‌നം അവാര്‍ഡിന് അപേക്ഷിക്കാം

കുറവിലങ്ങാട്: ദേവമാതാ കോളജിലെ മികച്ച പൂര്‍വവിദ്യാര്‍ത്ഥികള്‍ക്ക് പൂര്‍വവിദ്യാര്‍ത്ഥി സംഘടന നല്‍കുന്ന പൂര്‍വവിദ്യാര്‍ത്ഥി രത്‌നം അവാര്‍ഡിന് അപേക്ഷ ക്ഷണിച്ചു. വിവിധ തുറകളില്‍ വിശിഷ്ട സേവനം കാഴ്ചവെച്ച പൂര്‍വവിദ്യാര്‍ത്ഥികള്‍ക്ക് നേരിട്ട് അപേക്ഷിക്കുകയോ മറ്റുള്ളവര്‍ക്ക് നാമനിര്‍ദേശം ചെയ്യുകയോ ചെയ്യാം. അപേക്ഷകള്‍ ഡിസംബര്‍ നാലിന് മുന്‍പായി കോളജ് ഓഫീസില്‍ ലഭിച്ചിരിക്കണം.
ഡിസംബര്‍ ഒന്‍പതിന് നടക്കുന്ന പൂര്‍വവിദ്യാര്‍ത്ഥി സംഗമത്തില്‍ അവാര്‍ഡ് ജേതാക്കളെ ആദരിക്കാനും തീരുമാനിച്ചു. ഡിഗ്രി, പിജി പ്രവേശനത്തിന്റെ രജതജൂബിലിയും പ്രീഡിഗ്രി പ്രവേശനത്തിന്റെ ഗോള്‍ഡന്‍ ജൂബിലിയും ആഘോഷിക്കുന്നവരേയും സംഗമത്തില്‍ ആദരിക്കും. 1968-69 അധ്യയന വര്‍ഷം കോളജില്‍ സര്‍വീസില്‍ പ്രവേശിച്ച അധ്യാപക, അനധ്യാപകരേയും ആദരിക്കാനും പൂര്‍വവിദ്യാര്‍ത്ഥി സംഘടനാ പ്രതിനിധിയോഗം തീരുമാനിച്ചു.
പ്രസിഡന്റ് പി.എം മാത്യു അധ്യക്ഷത വഹിച്ചു. പ്രിന്‍സിപ്പല്‍ ഡോ. ഫിലിപ്പ് ജോണ്‍, ഭാരവാഹികളായ റിട്ട. എസ്പി കെ.ജെ ദേവസ്യ, എം.കെ സെബാസ്റ്റ്യന്‍, ഡോ. ടി.ടി മൈക്കിള്‍, ഡോ.സജി അഗസ്റ്റിന്‍, അസി.പ്രഫ. ജ്യോതി തോമസ്, അസി.പ്രഫ. വിദ്യാ ജോസ്, അസി.പ്രഫ. റെനീഷ് തോമസ്, ബെന്നി കോച്ചേരി എന്നിവര്‍ പ്രസംഗിച്ചു. സംഗമത്തിലേക്ക രജിസ്റ്റര്‍ ചെയ്യുന്നതും അവാര്‍ഡിന് അപേക്ഷ സമര്‍പ്പിക്കുന്നതും സംബന്ധിച്ച വിശദ വിവരങ്ങള്‍ കോളജ് ഓഫീസില്‍ ലഭ്യമാണ്.
…………..

ഖരമാലിന്യ സംസ്‌കരണ പ്ലാന്റ് കോഴായില്‍ അനുവദിക്കില്ലെന്ന് എംഎല്‍എ

കുറവിലങ്ങാട്: കോഴായിലെ ജില്ലാ കൃഷി തോട്ടത്തിലെ സര്‍ക്കാര്‍ ഭൂമിയില്‍ നിന്നും പത്തേക്കര്‍ സ്ഥലം ഖരമാലിന്യ സംസ്‌കരണ പ്ലാന്റ് സ്ഥാപിക്കുന്നതിനുവേണ്ടി ഏറ്റെടുക്കാനുള്ള തദ്ദേശ സ്വയംഭരണ വകുപ്പിന്റെ നടപടി സര്‍ക്കാര്‍ ഉപേക്ഷിക്കണമെന്ന് മോന്‍സ് ജോസഫ് എംഎല്‍എ ആവശ്യപ്പെട്ടു.
കുറവിലങ്ങാട് – കോഴാ പ്രദേശത്ത് ജനങ്ങള്‍ക്ക് ഉപദ്രവമാകുന്ന ഖരമാലിന്യ സസ്‌കരണ പ്ലാന്റ് സ്ഥാപിക്കാന്‍ അനുവദിക്കില്ലെന്ന് എംഎല്‍എ വ്യക്തമാക്കി.
കുറവിലങ്ങാട്, ഞീഴൂര്‍, മരങ്ങാട്ടുപള്ളി എന്നീ ഗ്രാമപഞ്ചായത്തുകളുടെ കാര്‍ഷികാഭിവൃദ്ധിയെ പൂര്‍ണ്ണമായും തകര്‍ക്കുന്ന നടപടിയാണ് ഈ തീരുമാനം നടപ്പായാല്‍ സംഭവിക്കാന്‍ പോകുന്നതെന്ന് എംഎല്‍എ ചൂണ്ടിക്കാട്ടി. ദക്ഷിണേന്ത്യയിലെ ഏറ്റവും ശ്രദ്ധേയമായ കേരളാ സയന്‍സ് സിറ്റി യാഥാര്‍ത്ഥ്യമാകുന്ന കുറവിലങ്ങാട് – കോഴാ പ്രദേശത്തിന് സമീപത്ത് ഖരമാലിന്യ സംസ്‌കരണ പ്ലാന്റ് സ്ഥാപിക്കാന്‍ അനുവദിച്ചത് ഉദ്യോഗസ്ഥ തലത്തിലെ ഏറ്റവും വലിയ വിവരക്കേടാണെന്ന് മോന്‍സ് ജോസഫ് എംഎല്‍എ കുറ്റപ്പെടുത്തി.
തദ്ദേശ സ്വയംഭരണ വകുപ്പിന്റെ നീക്കം മുളയിലെ തന്നെ നുള്ളിക്കളയാന്‍ സര്‍ക്കാര്‍ തലത്തില്‍ ശക്തമായ ഇടപെടല്‍ അടിയന്തിരമായി നടത്തുമെന്ന് എംഎല്‍എ അറിയിച്ചു. ജനദ്രോഹ തീരുമാനം കൈക്കൊള്ളാന്‍ ആരെങ്കിലും ശ്രമിച്ചാല്‍ ശക്തമായ ജനകീയ മുന്നേറ്റത്തിലൂടെ അതിനെ ചെറുത്ത് തോല്‍പിക്കുമെന്ന് മോന്‍സ് ജോസഫ് മുന്നറിയിപ്പ് നല്‍കി. ഉദ്യോഗസ്ഥ തലത്തില്‍ ഇതിനുമുമ്പ് കൈക്കൊണ്ട് തീരുമാനത്തിന്റെ ഫലമായി മറ്റൊരു മാലിന്യ പ്ലാന്റ് കോഴായില്‍ സ്ഥാപിക്കാന്‍ നടത്തിയ നീക്കത്തെ സര്‍ക്കാര്‍ തലത്തില്‍ ഒറ്റക്കെട്ടായി നടത്തിയ നീക്കത്തിലൂടെയാണ് ഒഴിവാക്കാന്‍ കഴിഞ്ഞത്.
ജനദ്രോഹപരമായ ഈ നടപടി ഉപേക്ഷിക്കണമെന്നാവശ്യപ്പെട്ടുകൊണ്ട് മുഖ്യമന്ത്രിയ്ക്കും മന്ത്രിമാര്‍ക്കും നിവേദനം സമര്‍പ്പിക്കുമെന്ന് മോന്‍സ് ജോസഫ് എംഎല്‍എ അറിയിച്ചു.

വൈദ്യുതി ഷോര്‍ട്ട് സര്‍ക്യൂട്ടില്‍ വീട് കത്തിനശിച്ചു

കുറവിലങ്ങാട്: വൈദ്യുതിഷോട്ട് സര്‍ക്യൂട്ടിനെത്തുടര്‍ന്ന് വീട് കത്തിനശിച്ചു. കുറവിലങ്ങാട് കര്‍മ്മലഗിരി ഭാഗത്ത് മലയോലിയ്ക്കല്‍ പി. എന്‍ ചാക്കോ (കുട്ടപ്പന്‍)യുടെ വീടാണ് ഇന്നലെ പകല്‍ പതിനൊന്നോടെ കത്തിനശിച്ചത്. കുട്ടപ്പനും ഭാര്യ മേരിയും വീട് പൂട്ടി പുറത്ത് തൊഴിലിനായി പോയിരിക്കുകായിരുന്നു. ഓടിട്ട വീടിനുള്ളില്‍ നിന്നും തീയും പുകയും ഉയരുന്നത് കണ്ട അയല്‍വാസികള്‍ വിവരമറിഞ്ഞ് തീയണയ്ക്കാന്‍ ശ്രമം നടത്തി. കടുത്തുരുത്തിയില്‍ നിന്നെത്തിയ ഫയര്‍ഫോഴ്‌സാണ് തീയണച്ചത്. വീടിന്റെ മേല്‍ക്കൂര പൂര്‍ണ്ണമായും കത്തിനശിച്ചു. ഭിത്തി വിണ്ടുകീറിയ നിലയിലാണ്. ടിവി, ഫ്രിഡ്ജ്, ഫാനുകള്‍ എന്നിവയടക്കമുള്ള ഗൃഹേപകരണങ്ങള്‍ പൂര്‍ണ്ണമായും കത്തിനശിച്ചു. കുറവിലങ്ങാട് വില്ലേജ് ഓഫീസര്‍ സ്ഥലത്തെത്തി നാശനഷ്ടം വിലയിരുത്തി. രണ്ടുലക്ഷത്തലേറെ രൂപയുടെ നഷ്ടം കണക്കാക്കുന്നതായി അധികൃതര്‍ വ്യക്തമാക്കി.

ട്രഷറിക്ക് മുന്നില്‍ പ്രതിഷേധ സംഗമം

കുറവിലങ്ങാട്: ട്രഷറി സ്തംഭനത്തിനെതിരെ എന്‍ജിഒ അസോസിയേഷന്‍ കടുത്തുരുത്തി ബ്രാഞ്ച് കമ്മിറ്റി പ്രതിഷേധ കൂട്ടായ്മ സംഘടിപ്പിച്ചു. സോഫ്റ്റ് വെയറുകളിലെ അപാകം പരിഹരിക്കുക, നിയന്ത്രണങ്ങളില്ലാതെ എല്ലാ ബില്ലുകളും മാറി നല്‍കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം. ഉഴവൂരിലും കുറവിലങ്ങാടും സംസ്ഥാന സെക്രട്ടറി കെ.എ. മാത്യു ഉദ്ഘാടനം ചെയ്തു.
ബ്രാഞ്ച് പ്രസിഡന്റ് അനൂപ് പ്രാപ്പുഴ അധ്യക്ഷത വഹിച്ചു. ജില്ലാ പ്രസിഡന്റ് രഞ്ജു കെ. മാത്യു, സെക്രട്ടറി വി.പി ബോബിന്‍, ട്രഷറര്‍ പി.വി അജയന്‍, സോജോ തോമസ്, കെ.എന്‍ ശങ്കരപ്പിള്ള, സഞ്ജയ് എസ്. നായര്‍, ടി.ആര്‍ പുഷ്പ, ജി.ആര്‍ സന്തോഷ് കുമാര്‍, പി.എന്‍ ചന്ദ്രബാബു, ബെന്നി ജോര്‍ജ്, പി.സി മാത്യു, ജഗദീഷ് ഞീഴൂര്‍, സുരേഷ് കണ്ണൂര്‍, മനോജ് ഏറ്റുമാനൂര്‍ എന്നിവര്‍ പ്രസംഗിച്ചു.

കോഴാ ഫാമില്‍ ഖരമാലിന്യ സംസ്‌കരണ പ്ലാന്റ് വരുന്നു

കുറവിലങ്ങാട്: സംസ്ഥാനത്ത് 12 കൃഷിഫാമുകളില്‍ ഖരമാലിന്യ സംസ്‌കരണ പ്ലാന്റുകള്‍ സ്ഥാപിക്കാന്‍ സര്‍ക്കാര്‍ തീരുമാനം. മാലിന്യസംസ്‌കരണ വിഷയത്തില്‍ സംസ്ഥാന നേരിടുന്ന പ്രതിസന്ധി പരിഹരിക്കുന്നതിന്റെ ഭാഗമായാണ് മാലിന്യസംസ്‌കരണ പ്ലാന്റുകള്‍ സ്ഥാപിക്കാന്‍ നീക്കം നടത്തുന്നതെന്നാണ് സര്‍ക്കാര്‍ നിലപാട്. ജനകീയ പ്രതിഷേധത്തെ പ്രതിരോധിക്കാന്‍ അടിസ്ഥാന സൗകര്യങ്ങള്‍ മാത്രം ആവശ്യമായി വരുന്ന വിധത്തില്‍ ആധുനിക സാങ്കേതിക വിദ്യ അവംലംബിച്ച് പ്ലാന്റുകള്‍ സ്ഥാപിക്കുമെന്നാണ് ഉന്നതാധികാരികള്‍ പറയുന്നത്.
തിരുവന്തപുരം പെരിങ്ങല്‍മല, കൊല്ല ജില്ലയില്‍ ് അഞ്ചല്‍, ആലപ്പുഴജില്ലയില്‍ മാവേലിക്കര ജില്ലയില്‍, കോട്ടയജില്ലയില്‍് കുറവിലങ്ങാട്, ഇടുക്കിജില്ലയില്‍ മൂന്നാര്‍, എറണാകുളജില്ലയില്‍നേര്യമംഗലം, തൃശൂര്‍ ജില്ലയില്‍ ചേലക്കര, പാലക്കാട്ജില്ലയില്‍ ഡോനി/ മലമ്പുഴ, മലപ്പുറത്ത് മുണ്ടേരി, കോഴിക്കോട്ട് കൂതാളി/ പേരാമ്പ്ര, കണ്ണൂരില്‍ തളിപ്പറമ്പ്, കാസര്‍ഗോഡ് ചിമ്മേനി കൃഷിഫാമുകളാണ് തെരഞ്ഞെടുത്തിരിക്കുന്നത്. 140 ഏക്കര്‍ സ്ഥലം പ്ലാന്റിനായി ഏറ്റെടുക്കാനാണ് നീക്കം.
ഖരമാലിന്യപ്ലാന്റ് സ്ഥാപിക്കലുമായി ബന്ധപ്പെട്ട് സംസ്ഥാനതലത്തില്‍ ഉപദേശകസമിതിയ്ക്കും രൂപം നല്‍കിയിട്ടുണ്ട്.
വ്യവസായ വകുപ്പ് അഡീഷണല്‍ ചീഫ് സെക്രട്ടറി, റവന്യൂവകുപ്പ് അഡീഷണല്‍ ചീഫ് സെക്രട്ടറി, തൊഴില്‍, നൈപുണ്യവകുപ്പ് അഡീഷണല്‍ ചീഫ് സെക്രട്ടറി, തദ്ദേശസ്വയംഭരണവകുപ്പ് പ്രിന്‍സിപ്പല്‍ സെക്രട്ടറി, കെഎസ്‌ഐഡിസി എം.ഡി എന്നിവര്‍ ഉള്‍ക്കൊള്ളുന്നതാണ് രൂപീകരിച്ചിട്ടുള്ള ഉപദേശക സമിതി.
പ്ലാന്റ് സ്ഥാപിക്കലുമായി ബന്ധപ്പെട്ട് ആര്‍എഫ്ഒ, ആര്‍എഫ്പി എന്നിവ തയ്യാറാക്കാന്‍ അനുയോജ്യമായ കണ്‍സള്‍ട്ടന്‍സിയെ തെരഞ്ഞെടുക്കാനും തീരുമാനമായിട്ടുണ്ട്. കേന്ദ്രസര്‍ക്കാരിന്റെ കീഴിലുള്ള ഏജന്‍സികളില്‍ നിന്നും സാമ്പത്തിക അഭിപ്രായം തേടും . കേന്ദ്രസര്‍ക്കാരിന്റെ കീഴിലുള്ള 55 ഏജന്‍സികളില്‍ നിന്നും സ്മാര്‍ട്ട് സിറ്റി ഇനിഷ്യേറ്റീവിന് കീഴിലുള്ള 11 ഏജന്‍സികളില്‍ നിന്നും ഫിനാന്‍ഷ്യല്‍ പ്രപ്പോസല്‍ തേടിയിട്ടുണ്ട്.

സിസ്റ്റര്‍ മര്‍സലിയൂസ് ഇനി ഓര്‍മ

കുറവിലങ്ങാട്: ലിറ്റില്‍ ലൂര്‍ദ് ആശുപത്രിയിലെ ഗൈനക്കോളജിസ്റ്റ് സിസ്റ്റര്‍ ഡോ. മര്‍സലിയൂസ് (65) നിര്യാതയായി. സംസ്‌കാരം പിന്നീട്. ചിങ്ങവനം മഠത്തിക്കളത്തില്‍ കുടുംബാംഗമാണ്. അപകടത്തില്‍ പരിക്കേറ്റ് ചികിത്സതേടിയിരുന്നു. സംസ്‌കാരം പിന്നീട്.